U Žabincy zatrymali dvuch padletkaŭ, jakija kinuli ŭ aŭtamabil milicyi kaktejl Mołatava
U Žabincy zatrymali 15-hadovaha junaka i jaho 16-hadovaha pryjaciela, jakija kinuli ŭ milicejski aŭtamabil kaktejl Mołatava, paviedamlaje MUS.
Uviečary 11 žniŭnia ŭ centry Žabinki dziažuryli milicyjaniery. U niejki momant u bok słužbovaha aŭtamabila palacieła butelka z haručaj vadkaściu i zapalenaj anučaj. Jana raźbiłasia pobač z mašynaj, paškodziŭšy jaje źniešniuju abiŭku. Nichto nie paciarpieŭ.
Supracoŭniki kryminalnaha vyšuku vyśvietlili, što da incydentu datyčnyja dvoje padletkaŭ: 15-hadovy chłopiec vyrabiŭ kaktejl Mołatava, a jaho 16-hadovy pryjaciel kinuŭ snarad u aŭtamabil.
U dačynieńni da starejšaha junaka śledčyja raspačali kryminalnyja spravy za hvałt u dačynieńni da supracoŭnikaŭ orhanaŭ unutranych spraŭ i niezakonnyja dziejańni z vybuchovymi rečyvami. Druhoha chłopca pastaviać na ŭlik u inśpiekcyi pa spravach niepaŭnaletnich.
Kamientary