U Dziarždepartamiencie ZŠA patłumačyli, čamu nie ličać Cichanoŭskuju zakonnym lidaram Biełarusi
Złučanyja Štaty Amieryki nie ličać nikoha z udzielnikaŭ prezidenckich vybaraŭ zakonnym lidaram Biełarusi, paviedamiŭ namieśnik pamočnika dziaržsakratara ZŠA pa spravach Jeŭropy i Jeŭrazii Džordž Kient 6 listapada na telefonnym bryfinhu, piša «Radyjo Svaboda».
Adkazvajučy na pytańnie, kaho ŭ ciapierašni čas ZŠA ličać zakonnym lidaram Biełarusi, pradstaŭnik Dziarždepartamienta adznačyŭ, što Złučanyja Štaty nie ličać vybarčy praces 9 žniŭnia svabodnym abo spraviadlivym.
«Falsifikavanyja vyniki, jakija byli abvieščanyja praź niekalki dzion, nie mohuć nikoha lehitymizavać, i tamu nam ciažka ličyć kaho-niebudź, chto pretenduje na pieramohu ŭ hetych pracesach 9 žniŭnia, zakonna abranym lidaram krainy», — rastłumačyŭ Kient.
Razam z hetym jon padkreśliŭ, što Vašynhton «praciahvaje zaklikać da dyjałohu pamiž biełarusami».
«Heta było našaj palitykaj z samaha pačatku. U kančatkovym vyniku, choć usich nas turbuje toje, što adbyvajecca ŭ Biełarusi, los Biełarusi pavinny vyznačać biełarusy, a nie pabočnyja. I jak aficyjnyja asoby ZŠA nieadnarazova zajaŭlali na praciahu apošnich niekalkich miesiacaŭ, rašeńnie ab Biełarusi zastajecca za biełarusami. Heta nie prablema pamiž Uschodam i Zachadam. Heta nie śfiera kankurencyi pamiž ZŠA i Rasijaj. Heta pavinny vyrašać biełarusy. My ličym, što ABSIE pavinna adyhrać peŭnuju rolu ŭ naładžvańni i ablahčeńni dyjałohu, ale na spravie heta pavinien być dyjałoh pamiž biełarusami», — adznačyŭ Kient.
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ56
Kamientary