Rada IIHF abmiarkuje pieranos čempijanatu śvietu pa chakiei ź Biełarusi
Rada Mižnarodnaj fiederacyi chakieja (IIHF) abmiarkuje pytańnie praviadzieńnia čempijanatu śvietu 2021 hoda ŭ Minsku. Mierapryjemstvy projduć 18 i 19 listapada ŭ anłajn-farmacie, piša TASS.
Čempijanat śvietu 2021 hoda pavinien prajści z 21 maja pa 6 červienia ŭ Ryzie i Minsku. Adnak u pačatku žniŭnia vice-prezident IIHF Kalerva Kumoła paviedamiŭ, što ŭźniaŭ pytańnie ab źmienie miesca praviadzieńnia turniru. Pryčynaj hetaj inicyjatyvy stali padziei paśla vybaraŭ u Biełarusi.
Astatnija členy vykanaŭčaha orhana IIHF vystupili suprać, a prezident Mižnarodnaj fiederacyi Rene Faziel nieadnarazova zajaŭlaŭ, što jaho arhanizacyja nie źbirajecca pieranosić turnir i «ŭłazić u palityku». 7 vieraśnia źjaviłasia infarmacyja ab tym, što Kabiniet ministraŭ Łatvii źvierniecca ŭ IIHF z prośbaj pravieści čempijanat śvietu ź inšaj krainaj.
Minsk, u svaju čarhu, zajaŭlaŭ pra hatoŭnaść arhanizavać turnir samastojna.
Jeŭrapiejski parłamient taksama zaklikaŭ nacyjanalnyja spartyŭnyja fiederacyi adklikać rašeńnie ab praviadzieńni čempijanatu śvietu pa chakiei 2021 hoda ŭ Biełarusi. Hałoŭnaj pryčynaj nazyvajucca parušeńni pravoŭ čałavieka.
Papiaredniaja rada IIHF prajšła 18 vieraśnia. Na joj była sfarmiravana ekśpiertnaja hrupa, jakaja zajmajecca analizam padrychtoŭki turniru. Płanujecca, što na pasiadžeńni, jakoje maje adbycca, budzie pradstaŭlena detalovaja spravazdača ekśpiertnaj hrupy.
U paniadziełak Łatvija ŭniesła ŭ śpis biełarusaŭ, jakim zabaronieny ŭjezd na terytoryju krainy, kiraŭnika fiederacyi chakieja Biełarusi Dźmitryja Baskava.
Kumoła ŭ intervju finskaj haziecie Ilta-Sanomat adznačyŭ, što dadzienaje rašeńnie nie zrobić stanoŭčaha ŭpłyvu na arhanizacyju turniru.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie1
Kamientary