Dniami minčanku asudzili za žnivieński marš. A tak było možna, praz try miesiacy?
Zhodna z zakanadaŭstvam, asudzić čałavieka za administracyjnaje pravaparušeńnie pavinny nie paźniej za dva miesiacy z momantu pravaparušeńnia. Kali nie paśpieli, to i pakarańnia nie budzie.
Ale jak vyjaviłasia, byvajuć i niuansy. Tak, naprykład, sud mohuć svoječasova pačać i adrazu ž prypynić. Tady čałavieka dasudziać paźniej i ŭsio ž pakarajuć.
Padobnaja historyja adbyłasia ź minčankaj Viktoryjaj P. U listapadzie jaje sudzili za ŭdzieł u Maršy, jaki prajšoŭ až 30 žniŭnia.
Vyśvietliłasia, što Viktoryju płanavali sudzić jašče ŭ kancy kastryčnika, ale žančyna chvareła na karanavirus i pieradała ŭ sud adpaviednyja dakumienty. Praź jaje adsutnaść spravu prypynili i adnavili tolki 13 listapada.
Sud pryznačyli na 18 listapada. Viktoryju pryznali vinavataj i dali štraf pamieram 15 bazavych.
Niahledziačy na toje, što prajšli praduhledžanyja zakanadaŭstvam dva miesiacy, usio było aformlena pa zakonie, zapeŭnili «Našu Nivu» ŭ Viarchoŭnym sudzie. Hetu ž traktoŭku zakanadaŭstva paćvierdziŭ i advakat Anton Hašynski.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary