Ministr zamiežnych spraŭ Biełarusi Uładzimir Makiej raspavioŭ žurnalistam ab sustrečy z pasłami krain Jeŭrapiejskaha sajuza, što adbyłasia 9 śniežnia, piša BiełTA.
«Pavinien skazać, što abmierkavana našmat bolš pytańniaŭ, čym heta paznačana ŭ zajavie, paviedamleńni pradstaŭnictva Jeŭrapiejskaha sajuza ŭ Minsku, — adznačyŭ Uładzimir Makiej. — Bolš za toje, abmierkavańnie adbyvałasia ŭ zusim inšaj tanalnaści, čym pra heta skazana ŭ hetym paviedamleńni.
Mianie krychu ździviŭ taki, ja b skazaŭ, mientarski ton hetaj zajavy pradstaŭnictva ES».
Ministr padkreśliŭ, što zaŭčasnaje vykładańnie źmiestu dyskusii čaściakom nanosić škodu, mahčyma, pazityŭnym raspačynańniam i naohuł moža pryvieści da advarotnaha efiektu.
«Ja asabista źviarnuŭ uvahu na toje, što heta paviedamleńnie źjaviłasia ŭ 15.17 pa minskim časie. Choć dyskusija ŭ hety čas abo abmierkavańnie na sustrečy byli ŭ samym razhary, kali jano źjaviłasia. Heta značyć, navat siaredzina sustrečy nie prajšła, a paviedamleńnie ŭžo źjaviłasia», — zaŭvažyŭ ministr.
«Tak, sapraŭdy pradstaŭnik Jeŭrapiejskaha sajuza začytaŭ «ahitku» ŭ vyhladzie tych patrabavańniaŭ, jakija vykładzienyja ŭ paviedamleńni pradstaŭnictva. I dziŭnym čynam hetyja punkty supadajuć z elemientami prahramy emihravaŭšych radykalnych apanientaŭ dziejučaj ułady. I ŭvaha pasłoŭ Jeŭrasajuza była źviernuta na heta. Heta taksama śviedčyć, sami razumiejecie, ab čym».
Pry hetym Uładzimir Makiej vykazaŭ mierkavańnie, što lepš było b dypłamatam prytrymlivacca adpaviednaj niejtralnaj pazicyi pa tych ci inšych pytańniach.
«Dziela boha, chaj heta zastajecca na ich sumleńni», — skazaŭ ministr.
Jon taksama dadaŭ, što jeŭrapiejskija partniory pieranacelvajuć srodki, pryznačanyja na realizacyju ŭ Biełarusi prajektaŭ transhraničnaha supracoŭnictva, na zamiežnyja vajažy apanientaŭ ułady.
«My źviarnuli ŭvahu našych partnioraŭ na toje, što ciapier treba spynić abvinavačvańni ŭ adras adzin adnaho, a zasiarodzicca na pošuku tych śfier i abłaściej, u jakich mahčymaje supracoŭnictva. Ich masa. Heta i transhraničnaja złačynnaść, nielehalnaja mihracyja, i pytańni rehijanalnaj biaśpieki, i mnohaje, mnohaje inšaje», — padkreśliŭ Makiej.
«My dajom adekvatny adkaz na tyja sankcyi, jakija buduć uviedzienyja našymi partniorami. My źviarnuli ŭvahu na toje, što, viadoma ž, hetyja sankcyi pryviaduć da peŭnaha paharšeńnia situacyi, stanovišča zvyčajnych ludziej u Biełarusi», — zajaviŭ ministr.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary