Va ŭzroście 39 hadoŭ pamior redaktar vilejskaj rajonki Siarhiej Hančar. Jon pieranios kavid
U Vilejcy 13 śniežnia pamior były dyrektar krajaznaŭčaha muzieja, hałoŭny redaktar rajonnaj haziety «Šlach pieramohi» Siarhiej Hančar. Jamu było 39 hadoŭ, piša kraj.by.
Biez baćki zastałasia maleńkaja dačka. Siabry raspaviadajuć, što kala miesiaca tamu jon pieranios kavid. Jany miarkujuć, što, mahčyma, Siarhiej pamior ad nastupstvaŭ karanavirusa.
Pa słovach siabroŭ, jakija viedali Siarhieja sa škoły, ad jaho pastajanna zychodziła dobraje śviatło.
«Śviaciłasia ŭsia Vilejka, — raspaviadajuć siabry. — Heta byŭ roznabakovy pazityŭny čałaviek, jaki hulaŭ u KVZ, arhanizoŭvaŭ i pravodziŭ tvorčyja konkursy, byŭ adkryty i spahadny z usimi ludźmi».
Dyrektar Vilejskaha krajaznaŭčaha muzieja Nadzieja Aŭdziej raspaviała kraj.by: «Kali jon pracavaŭ dyrektaram muzieja, nijakaj dystancyi z padnačalenymi ŭ jaho nie było. Jon nie byŭ padobny da načalnika. Jon byŭ padobny da sonca. Ja zaŭsiody nazyvała jaho soncam».
Na pasadzie dyrektara Vilejskaha krajaznaŭčaha muzieja Siarhiej Hančar pracavaŭ z sakavika 2008 hoda pa 2016 hod.
«Siarhiej pakazvaŭ svaju Vilejščynu va ŭsioj krasie ŭ roznych ŚMI, u tym liku, pa telebačańni. Vietłaja dobraja ŭśmieška nikoli nie sychodziła ź jaho tvaru. Śmierć Siarhieja Hančara dla ŭsich nas stała vialikim udaram i strašnym horam. Strata — niezamiennaja», — kaža supracoŭnica muzieja Nadzieja Aŭdziej.
Kamientary