«Hulaŭ z ahniom i apioksia». Fazel havaryŭ z Łukašenkam pra palitviaźniaŭ i dyjałoh
Pa vynikach pajezdki Rene Fazela ŭ Minsk siońnia adbyłasia kanfierencyja Rady Mižnarodnaj fiederacyi chakieja. Voś karotkija tezisy, ahučanyja vice-prezidentam IICHF Kalerva Kumałam.
— Paśla sustrečy z Łukašenkam Fazel apynuŭsia pad najmacniejšym ciskam z boku šviejcarskaj presy.
— Fazel abmiarkoŭvaŭ roznyja temy, u tym liku i palitviaźniaŭ. Pa adnych pytańniach atrymaŭ stanoŭčy adkaz, ale pa hałoŭnych [jakich kankretna, nieviadoma — NN] — kateharyčnuju admovu.
— Kiraŭnik IICHF šakavany publikacyjaj fota z Łukašenkam. Płanavałasia, što sustreča projdzie biez žurnalistaŭ.
— Kančatkovaje rašeńnie budzie ahučanaje nie paźniej za 27 studzienia. Pa słovach Kumały, aptymalny varyjant na siońnia — praviadzieńnie turniru tolki ŭ Łatvii.
Sam Fazel taksama prakamientavaŭ svoj vizit u Minsk:
— Pra fota z Łukašenkam: «Karcinka moža kaštavać tysiačy słoŭ. <…> Prašu prabačeńnia, kali padałosia, što takim čynam ja vykazvaju svaju zhodu z padziejami i represijami ŭ Biełarusi. <…> U mianie z Łukašenkam dobryja adnosiny ŭžo 20 hadoŭ. Ja chacieŭ vykarystać heta, kab zrabić niešta dobraje. Prykładna takoje, što čempijanat śvietu pa chakiei viadzie da svojeasablivaha prymireńnia ŭłady i apazicyi, pratestujučych. Atrymałasia krychu pa-durnomu, mnie taksama niajomka».
— Pra čempijanat śvietu ŭ Biełarusi: «Pravieści čempijanat śvietu — naš abaviazak. <…> Tamu my skazali sabie: čamu b nie pasprabavać pierakanać prezidenta Łukašenku, što jon moža pasłać sihnał čempijanatam śvietu? A mienavita, što jon imkniecca da dyjałohu z apazicyjaj.
Ujavicie, kali my zaraz admianiajem čempijanat śvietu pa chakiei ŭ Biełarusi: heta niešta źmienić u krainie? Viadoma ž, nie.
Sam Łukašenka zajaviŭ, što choča źmianić kanstytucyju, što jon hatovy pravieści novyja vybary. <…> Pavinien pryznacca: u Minsku hulaŭ z ahniom i apioksia. Zaraz źmianić hetaje mierkavańnie budzie składana».
— Pra pieramovy z Łukašenkam: «Pieršy kantakt byŭ vielmi pryjazny. Paśla, kali my vykłali prablemy, abmierkavańnie stała vielmi emacyjnym. Z takimi ludźmi zvyčajna vielmi składana razmaŭlać. Dziakujučy asablivym adnosinam z Łukašenkam, my zmahli pierajści ad słoŭ da spravy.
Ja ŭpeŭnieny, što nie zrabiŭ ničoha drennaha. Z dapamohaj hetaha čempijanatu śvietu my možam dabicca taho, čaho inšym sposabam nie dasiahnuć. Chto ŭžo čahości damohsia ŭ Biełarusi sankcyjami i bajkotami? Nichto».
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary