Staršynia Fiederacyi chakieja Biełarusi Dźmitryj Baskaŭ prakamientavaŭ pieranos čempijanatu śvietu ź Minska.
Jaho słovy cytuje FCHB.
«Chaču piersanalna źviarnucca da pradstaŭnikoŭ tak zvanaha Fondu salidarnaści spartoŭcaŭ. Asabliva da byłych prafiesijnych spartsmienaŭ. Siońnia vy śviatkujecie pieramohu, adabraŭšy ŭ biełaruskaha naroda sapraŭdnaje śviata. Paśla hetaha vy nie možacie nazyvacca biełarusami! Vy zdradniki! Vy zabrali čempijanat śvietu, u pieršuju čarhu, u tysiačy dziaciej, jakija zajmajucca chakiejem.
Hetyja 17 dzion, na praciahu jakich doŭžycca Čempijanat śvietu, mahli b pryciahnuć u našu krainu nie tolki suśvietnych chakiejnych zorak, sapraŭdnych kumiraŭ miljonaŭ chłapčukoŭ pa ŭsim śviecie, na jakich raŭniałasia b novaje pakaleńnie chakieistaŭ, ale i dziasiatki tysiač zamiežnych zaŭziataraŭ i sotni pradstaŭnikoŭ ŚMI, jakija mahli b na ŭłasnym vopycie pierakanacca ŭ nievierahodnaj pryhažości Biełarusi, haścinnaści našaha naroda i ŭzroŭni biaśpieki ŭ našaj krainie.
Nam škada, što Mižnarodnaja fiederacyja chakieja i najbujniejšyja suśvietnyja brendy, jakija padtrymlivajuć raźvićcio suśvietnaha chakieja, stali achviarami palityčnych hulniaŭ vakoł Biełarusi. Našaj krainaj była praviedziena vialikaja praca spačatku pa padrychtoŭcy zajaŭki na praviadzieńnie čempijanatu śvietu pa chakiei IIHF, a paśla — niepasredna pa arhanizacyi turniru. Sa svajho boku, my pa-raniejšamu ličym, što i čempijanat śvietu ŭ 2021 hodzie nie staŭ by vyklučeńniem, a jak minimum paŭtaryŭ pośpiech turniru, jaki my ŭžo prymali ŭ 2014 hodzie.
Akramia taho, praviadzieńnie čempijanatu ŭ Minsku mahło dać šturšok nie tolki raźvićciu dziciačaha sportu, ale i turystyčnaj industryi, haradskoj infrastruktury. Biezumoŭna, my znojdziem hetyja punkty rostu samastojna, ale «palityčnaja hnutkaść» mižnarodnych instytutaŭ užo ŭvojdzie ŭ historyju, tym samym stvaryŭšy precedent dla nastupnych manipulacyj.
Na žal, pracedura, praduhledžanaja Mižnarodnaj fiederacyjaj chakieja, nie praduhledžvaje mahčymaści apielacyi», — skazaŭ Baskaŭ.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary