Raptoŭna pamior doktar z Omska, jaki lačyŭ Navalnaha paśla atručvańnia
Adzin z najlepšych daktaroŭ Omskaj balnicy chutkaj dapamohi, dzie Alaksiej Navalny lačyŭsia adrazu paśla atručvańnia, pamior ad sardečnaha prystupu.
Siarhieju Maksimišynu, namieśniku hałoŭnaha doktara, było 55 hadoŭ, piša CNN.
«Sa škadavańniem paviedamlajem, što namieśnik hałoŭnaha doktara pa aniestezijałohii i reanimacyi balnicy chutkaj miedycynskaj dapamohi №1, supracoŭnik kafiedry Omskaha dziaržaŭnaha miedycynskaha ŭniviersiteta, kandydat miedycynskich navuk Maksimišyn Siarhiej Valancinavič raptoŭna pamior», — napisana ŭ paviedamleńni balnicy. Pryčyna śmierci nie ŭkazvajecca.
Pres-sakratarka Omskaha abłasnoha ministerstva achovy zdaroŭja paviedamiła, što, zhodna z papiarednimi źviestkami, śmierć nastupiła ŭ vyniku sardečnaha prystupu.
20 žniŭnia Alaksieja Navalnaha pieršapačatkova špitalizavali ŭ Omskuju balnicu paśla atručvańnia. Samalot, dzie znachodziŭsia palityk, ździejśniŭ vymušanuju pasadku ŭ Omsku. U hetaj balnicy Navalnaha ŭviali ŭ miedykamientoznuju komu, paśla čaho jaho pieravieźli ŭ Bierlin, dzie jon lačyŭsia na praciahu 5 miesiacaŭ.
Leanid Vołkaŭ, kiraŭnik štaba Navalnaha, paćvierdziŭ, što Siarhiej Maksimišyn byŭ adkaznym za lačeńnie Navalnaha, u pryvatnaści, za rašeńnie ŭvieści palityka ŭ miedykamientoznuju komu.
«Maksimišyn viedaŭ pra stan Alaksieja bolš za ŭsich, tamu ja nie admaŭlaju, što heta mahło być naŭmysnaje zabojstva, — śćviardžaje Leanid Vołkaŭ. — Adnak rasijskaja sistema achovy zdaroŭja vielmi biednaja, tamu nie dziŭna, što daktary takoha ŭzrostu raptoŭna pamirajuć. Ja sumniajusia, što budzie niejkaje rasśledavańnie nakont jaho śmierci».
-
«Zaniapad — heta vybar». Marka Rubia ŭ Miunchienie zaklikaŭ Zachad pryznać pamyłki i abnavić suśvietny paradak
-
«Źmiena režymu nieabchodnaja, ale nie tolki tamu, što my chočam być svabodnymi». Reza Piechlevi zaklikaŭ ZŠA nanieści vajenny ŭdar pa iranskim režymie
-
Bieły dom apublikavaŭ valancinku z Hrenłandyjaj
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?5
Kamientary