Čamu mienavita Izrail atrymaŭ najbolš vakcyn ad kavidu pieršym? Cikavaja schiema i jaje vyniki
Izrail — suśvietny lidar u vakcynacyi nasielnictva suprać kavidu. Usio tamu, što Izrail pahadziŭsia płacić za vakcynu našmat bolš. I da taho ž kraina źbiraje i pieradaje kaštoŭnyja źviestki sa svajho vopytu vakcynacyi raspracoŭščykam BioNTech-Pfizer. Apošnija vyniki dajuć nahodu dla aptymizmu.
Masavaja vakcynacyja ŭ Izraili pačałasia 20 śniežnia. Užo bolš za 3,67 miljona žycharoŭ atrymali pieršuju dozu vakcyny, što składaje 40% nasielnictva. A siarod starejšych za 60 vakcynu atrymali ŭžo bolš za 80%, paviedamlaje DW.
Dla paraŭnańnia: u Biełarusi pakul vakcynavali tolki miedykaŭ — i pieršaj dozaj. Dyj u krainach Jeŭrasajuza dola vakcynavanych nie pieravyšaje jašče 5—10%.
Prahrama vakcynacyi Izraila ŭžo daje efiekt: kolkaść vypadkaŭ zaražeńnia značna źniziłasia, asabliva siarod ludziej, starejšych za 60. U hetaj uzrostavaj hrupie ŭžo nazirajecca na 56% mienš vypadkaŭ zachvorvańnia, na 42% mienš špitalizacyj i na 35% mienš śmierciaŭ ad kavidu.
Toj fakt, što kraina ź dzieviacimiljonnym nasielnictvam zdoleła zabiaśpiečyć žycharoŭ takoj vialikaj kolkaściu vakcyn, źviazany z peŭnymi ŭmovami, prapisanymi ŭ kantrakcie z vytvorcami vakcyny.
Zhodna z pahadnieńniem, Izrail za adnu dozu vakcyny płacić značna bolš, čym ES (kala 23 dalaraŭ, ES — 12 dalaraŭ). Akramia hetaha, urad Izraila ŭziaŭ na siabie adkaznaść za biaśpieku vakcyny, u toj čas jak ES nastojvaje na tym, kab adkaznaść za vakcynu niesła kampanija BioNTech-Pfizer.
Da taho ž Izrail zhadziŭsia štotydzień pradastaŭlać vytvorcam źviestki nakont vakcynacyi, siarod jakich kolkaść vypadkaŭ zaražeńnia i kolkaść vakcynavanych, a taksama poł i ŭzrost pacyjentaŭ. Usie hetyja źviestki, jakija źjaŭlajucca važnaj infarmacyjaj dla farmaceŭtyčnych kampanij, ciapier pieradajucca Pfizer ananimna.
Kampanija Pfizer, u svaju čarhu, na takich umovach pahadziłasia zabiaśpiečvać Izrail vakcynami da taho času, pakul nie budzie pryščeplena 95% nasielnictva krainy.
Miedycynskaja strachavaja izrailskaja kampanija Maccabi apublikavała źviestki, jakija paćviardžajuć, što efiektyŭnaść vakcyny składaje minimum 93%, što supadaje z łabaratornymi dadzienymi. Z 523 tysiač pryščeplenych zastrachavanych klijentaŭ kampanii zarazilisia tolki 544 čałavieki. Z 628 tysiač niepryščeplenych klijentaŭ Maccabi za toj ža pieryjad zarazilisia 18 425.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary