Kavid raspaŭsiudziŭsia ŭ Paŭdniovaj Amierycy ŭviesnu letaś. Užo ŭ kancy maja Čyli razam ź Pieru apynulisia siarod lidaraŭ pa zachvorvańniach: kolkaść vypadkaŭ kavidu ŭ Čyli nabližałasia da 80 tysiač, a pamierłych było bolš za 800.
Adnak ciapier Čyli ŭražvaje tempami vakcynacyi: u hetaj dziaržavie z 19 miljonami nasielnictva zroblena bolš za dva miljony pryščepak ad kavidu, i chutkaść imunizacyi ź ciaham času pavialičvajecca. Jak hetaja hornaja kraina zdoleła damahčysia takoha pośpiechu?
Pa-pieršaje, z samaha pačatku čylijski ŭrad pryniaŭ rašeńnie prykłaści ŭsie namahańni, kab atrymać choć niejkuju vakcynu.
Kiraŭnictva krainy zaklučyła pahadnieńni adrazu ź niekalkimi vytvorcami — kampanijami Pfizer, Sinovac, Covax (WHO), Johnson & Johnson i Astrazeneca. Dziakujučy hetamu čylijcy pavinny atrymać 35,7 miljonaŭ doz vakcyn, paviedamlaje CNN.
Pa-druhoje, miascovaje kiraŭnictva šmat pracavała nad tym, kab pieratvaryć lubuju hramadskuju prastoru ŭ centr vakcynacyi.
Naprykład, taki centr zaraz raźmiaščajecca va ŭnutranym dvary Papskaha katalickaha ŭniviersiteta ŭ stalicy Čyli — Sanćjaha. Čynoŭniki vyrašyli raźmiaścić centry dla vakcynacyi nie tolki ŭ škołach i administracyjnych ustanovach, ale i ŭ miescach nakštałt handlovych centraŭ i futbolnych stadyjonaŭ.
Taksama dapamahło toje, što kožny pradstaŭnik čylijskaha ŭrada padtrymlivaŭ na publicy ideju nieabchodnaści zachoŭvać sacyjalnuju dystancyju i nasić masku.
I pakul inšyja krainy razvažali nad tym, u jakoj čarhovaści ludzi pavinny atrymać vakcynu, čylijskija ŭłady chutka vypracavali paradak vakcynacyi, jaki całkam vykonvajecca. Tak, paśla miedykaŭ pryščepku pačali atrymlivać pažyłyja ludzi, nastaŭniki, farmaceŭty i palicejskija.
Płanujecca, što jašče da zaviaršeńnia pieršaj pałovy 2021 hoda 80% čylijcaŭ buduć vakcynavanyja.
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro10
Kamientary