Biełaruś dyskvalifikujuć na «Jeŭrabačańni», kali BT nie zamienić konkursnuju pieśniu: u joj prapahanda
Jeŭrapiejski viaščalny sajuz paviedamiŭ, što pieśnia «Ja nauču tiebia», jakuju adabrali ad Biełarusi, nie moža być pradstaŭlena na «Jeŭrabačańni». Pieśnia stavić pad sumnieŭ niepalityčny charaktar konkursu.
Videa ź pieśniaj schavali na kanale konkursu ŭ YouTube.
Jeŭrapiejski viaščalny sajuz paviedamiŭ Biełteleradyjokampanii, što «pieśnia ŭ jaje ciapierašnim vyhladzie nie moža ŭdzielničać u konkursie». Biełaruskamu boku prapanavali źmianić pieśniu abo adpravić novuju pieśniu, jakaja b adpaviadała praviłam JEVS. Kali heta patrabavańnie nie budzie vykanana, Biełaruś budzie dyskvalifikavanaja.
Ansambl «Hałasy ZMiesta» vykonvaje źjedlivyja ahitki pra pratesty, dvarovyja čaty, pra Paŭła Łatušku, Śviatłanu Cichanoŭskuju, Maryju Kaleśnikavu i palityčnuju situacyju ŭ Biełarusi.
Jak paviedamlałasia, Jeŭrapiejski Viaščalny Sajuz (EBU) razam z hałandskimi viaščalnymi kampanijami i arhanizatarami konkursu pieśni «Jeŭrabačańnie» vyrašyli pravieści konkurs sioleta ŭ novym farmacie. Novyja praviły praviadzieńnia konkursu ŭ Raterdamie źviazanyja z epidemijałahičnaj situacyjaj i raspaŭsiudžvańniem karanavirusnaj infiekcyi.
Čytajcie taksama: Viktar Marcinovič pra biełaruski vybar na «Jeŭrabačańnie»: Kali niama čaho hublać
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary