Pryščapić kitajskaj vakcynaj Vero kampanii Sinopharm, jakaja pastupiła ŭ Biełaruś jak humanitarnaja dapamoha, płanujuć kala 8 tys. čałaviek. Pra heta Minsk-navinam paviedamiła hałoŭny doktar Minskaha haradskoha centra hihijeny i epidemijałohii Śviatłana Jarmak.
— Hetaja vakcyna inaktyvavanaja, stvoranaja na asnovie «zabitaha» virusa — adznačyła S. Jarmak. — Tamu ličycca prydatnym varyjantam dla vakcynacyi ludziej, jakim bolej za 60 hadoŭ, u pieršuju čarhu tych, chto pracuje i žyvie va ŭstanovach z kruhłasutačnym znachodžańniem. Z ulikam hetaha fakta i pravodzicca raźmierkavańnie vakcyn u hetych ustanovach. U Partyzanskim i Centralnym stacyjanarnych sacyjalnych ustanoŭ bolš, čym u inšych rajonach stalicy. Adpaviedna, i kolkaść vakcyn ŭ zhadanyja dva rajony vydzielena bolšaja, čym u Zavodski, Leninski, Maskoŭski i inšyja.
Pavodle jaje słoŭ, pryščaplać vakcynaj Sinopharm buduć taksama miedycynskich rabotnikaŭ, rabotnikaŭ adukacyi i sacyjalnaj śfiery.
Vakcynacyja projdzie ŭ dva etapy — spačatku ŭ arhanizm uvodziać pieršy kampanient preparata, praz try tydni — druhi. U staličnaj 39-j paliklinicy ŭžo pačali pryvivać kitajskaj vakcynaj. Na čarzie — inšyja ŭstanovy achovy zdaroŭja.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary