Ab hetym zajaviŭ siońnia žurnalistam dziaržaŭny sakratar Rady biaśpieki Alaksandr Valfovič paśla narady ŭ Łukašenki nakont stanu hramadska-palityčnaj abstanoŭki ŭ krainie, piša BiełTA.
«Roznymi destruktyŭnymi siłami byli ździejśnienyja sproby pa destabilizacyi abstanoŭki na terytoryi Biełarusi, pravakavańni naroda Biełarusi i ŭźniaćci pratesnaj masy, — źviarnuŭ uvahu dziaržsakratar Rady Biaśpieki. — Kiraŭnictva hetymi mierapryjemstvami ažyćciaŭlali dziejačy, jakija znachodziacca za miažoj, tak zvanyja lidary, jakija «pieražyvajuć» za toje, što dziejecca na terytoryi krainy, zdradniki (pa-inšamu nie nazavu), jakija ŭvachodziać u «Bajpoł».
Alaksandr Valfovič padkreśliŭ, što hetyja asoby absalutna nie dumajuć pra toje, što moža adbycca z hramadzianami, jakija pa ich zaklikach biaruć udzieł u supraćzakonnych mierapryjemstvach.
«Jany ich razhladajuć jak harmatnaje miasa. Im absalutna ŭsio roŭna, što ź imi budzie i jakija miery adkaznaści potym buduć užytyja da hetych ludziej», — zajaviŭ jon.
«Jość jašče infarmacyja peŭnaha rodu. Ale apieratyŭnyja rečy raniej času kazać nielha. Usie hetyja niahodniki ŭ nas pierapisanyja, i, chutčej za ŭsio, u bližejšy čas my hetyja śpisy apublikujem, kab jany viedali, što my ich viedajem, — dadaŭ Alaksandr Valfovič.
— Heta ludzi, jakija kinuli svaju krainu, uciakli i z-za miažy sprabujuć sutyknuć ludziej adno z adnym. Biełarusy zaŭsiody žyli mirna, i ja ŭpeŭnieny, što taja sistema, jakaja siońnia stvoranaja, zabiaśpiečyć pravaparadak na terytoryi našaj krainy».
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary