Mikoła Jermałovič, jaki viarnuŭ biełarusam VKŁ. Novy numar «Našaj historyi» i dzie jaho kupić
Centralnaja tema numara — bijahrafija Mikoły Jermałoviča, jaki viarnuŭ biełarusam VKŁ. «Žyćcio jak by asobna» — kali ty maješ zrok minus dvaccać siem dyjoptryjaŭ.
U vielmi mocnym śviežym numary «Našaj historyi» (3/2021) taksama:
— Mistyfikacyja prafiesara Kacara.
— Bortniki. Sakrety zboru miodu dzikich pčoł zaŭsiody pieradavalisia ad baćki da syna. Siońnia ŭ Biełarusi zastajecca try sotni takich utajamničanych.
— Nacyjanalnaja hieahrafija: mahiloŭskaje baroka. Padmikolle.
— Hrošy dla «Našaj Nivy». Za košt čaho isnavała lehiendarnaja «hazieta z rysunkami» ŭ pačatku XX stahodździa?
— U rubrycy «Pra-Śviet»: Bielhija: kraina pa intaresach.
— U «Našaj stravie»: midyi ŭ vinie ci pivie.
— U rubrycy «Historyi kachańnia»: Ema Darvin. Žančyna sa zvyšmocnaha fajansu. Piša Śviatłana Vocinava.
— U rubrycy «Bijahrafii»: Papiałuška Janina Žajmo. Usio maleńkaje — jadavitaje.
— Češski Raj. Ad zamka da zamka: zachaplalny maršrut dla piešaha padarožža pa słavianskim pahraniččy.
— Žorstkija realii. Pijanierłahiery, kali valiŭsia SSSR.
— U rubrycy «Spadčyna»: «Ćvicie jadłoviec u bary…»
— «Ja ź ciepłynioj uzhadvaju Suvoraŭskuju vučelniu»… Horad Hłybokaje, Zamkavaja vulica… «Usio miniecca, a praŭda zastaniecca»… «Adzin brat u Paryžy, druhi — u Krasnajarskim krai. Abodva maryli pra viartańnie ŭ Žuchaŭcy»…
Siarod aŭtaraŭ numara — Śviatłana Vocinava, Aleh Dźjačkoŭ, Andrej Skurko, Andruś Unučak, Taćciana Barysik, Siarhiej Hruntoŭ, Źmicier Skvarčeŭski, Aleś Bieły, Ivan Vosipaŭ, Marharyta Tarajkievič.
My budziem pradavać u Minsku śviežy numar «Našaj historyi» dva dni pa našym redakcyjnym adrasie Enhielsa, 34a (heta tam, dzie redakcyja «Narodnaj Voli»):
- u piatnicu, 9 krasavika, z 14:00 da 20:00
- u subotu, 10 krasavika, z 10:00 da 18:00.
Heta samy centr Minska, litaralna 400 mietraŭ ad mietro «Kupałaŭskaja» i «Kastryčnickaja», bieły dom z murałam.
Kali łaska, padrychtujcie najaŭnyja hrošy (naš kasavy aparat nie prymaje apłatu kartkaj). Časopis kaštuje 7 rubloŭ. Kali brać try asobniki, to sa źnižkaj — 20 rubloŭ. Dziciačyja časopisy (taksama vyjšli śviežyja numary) budziem pradavać pa 2,5 rubli za numar.
Pryjdzicie i kupicie časopis — dla siabie i dla svajakoŭ, susiedziaŭ, siabroŭ, kaleh pa pracy. Numar cudoŭny, adzin z najmacniejšych, čakajem vas, nie paškadujecie.
U nas možna budzie kupić jak novy numar, tak i niekatoryja raniejšyja.
Aproč taho, časopisy možna nabyć u kniharniach, u niekatorych supiermarkietach, na niekatorych poštach i ŭ pryvatnych raspaŭsiudnikaŭ.
Minsk
- «Rahna» (vuł. Suchaja, 4, mietro «Frunzienskaja»)
- Handlovy centr «Kupałaŭski» (pad Kastryčnickaj płoščaj), kramy 41—42 i 44—45
- «Halijafy» (vuł. Niamiha, 3, krama №47 na cokalnym paviersie)
- «Knižnaja šafa» (pr. Dziaržynskaha, 9) dy inšyja
Poštaj ci z dastaŭkaj na dom
Anłajn praz Mmkut.by, Kniganosha.by, Halijafy.by, Knihi.by, Kniger.by, Akademkniga.by, Ragna.by.
Hrodna
«Cudoŭnia».
Viciebsk
«Śvietač» (vuł. Kirava, 10) dy inšyja
Babrujsk
«Krynica viedaŭ» (vuł. Horkaha, 31).
Nahadvajem, što naš časopis možna kupić i ŭ PDF, u elektronnaj viersii. Rekamiendujem jaje dla ŭsich, u kaho niama dostupu da papiarovaj viersii.
Na maj-červień: padpisny indeks 00469. Z druhoha paŭhodździa «Našu historyju» vykidajuć z «Biełpošty», tamu my zapuścim ułasnuju sistemu padpiski
Padobnaja schiema dziejničała ŭ 2006—2008, kali «Našu Nivu» vykinuli z kijoskaŭ i padpiski.
Kali vy chočacie atrymlivać časopisy (pačynajučy z №7, ad lipienia), prosta zaraz pierajdzicie pa spasyłcy i zapoŭnicie huhł-ankietu z kantaktnymi źviestkami. Treba ŭkazać imia, adras dastaŭki i telefon. Pakul płacić ničoha nie treba — hetyja źviestki patrebnyja nam, kab raźličyć nakład nastupnych numaroŭ.
Bližej da lipienia zapracuje sajt «Naša krama» (nashakrama.by), na jakim možna budzie apłacić padpisku na luby z časopisaŭ całkam na druhoje paŭhodździe ci na luby ź miesiacaŭ. Na druhoje paŭhodździe košt «Našaj historyi» pa padpiscy budzie składać 7 rubloŭ za numar (35 rubloŭ, kali padpisvajeciesia adrazu na paŭhoda), košt «Aściarožna: dzieci!» i «Dudu» — pa 3 rubli (15 rubloŭ, kali padpisvajeciesia adrazu na paŭhoda).
Kali naš sajt zapracuje, my nahadajem vam, što ŭžo možna aformić padpisku.
U mianie ŭžo aformlenaja padpiska «Biełpošty» na krasavik-červień. Ja atrymaju časopisy?
Tak, «Biełpošta» abiacaje dastaŭlać časopisy da kanca paŭhodździa.
Ok, ź lipienia padpišusia ŭ vas, a što rabić z majem i červieniem?
Na hetyja miesiacy jašče možna padpisacca praz «Biełpoštu». Voś instrukcyja. Na maj i červień vy jašče zmožacie padpisać ludziej u turmach.
Ci možna na druhoje paŭhodździe padpisać viaźniaŭ?
Nie, heta niemahčyma. Časopis im možna budzie pieradavać tolki praz advakata, sa zhody śledčaha. Ale na maj-červień časopis im jašče budzie dachodzić praz padpisku.
I jašče raz. Što mnie rabić prosta zaraz?
1) Pierš za ŭsio zarehistrujcie siabie i inšych ludziej, kaho vy chočacie padpisać, u našaj bazie padpisčykaŭ.
2) Dumajcie, dzie nabudziecie kruty №3 «Našaj Historyi» ź Mikołam Jermałovičam na vokładcy! Jon užo jość u prodažy.
Jakija pryncypy časopisa
My robim navukova-papularny časopis. Heta značycca, što jon aryjentavany na prostaha čytača, a nie navukoŭcaŭ. Naš padychod — historyja prostymi słovami.
My zadumali jaho jak časopis, jaki budzie jadnać, a nie dzialić. Akramia taho, nam važnyja sistemnaść, abjektyŭnaść i histaryzm. Nam važna pisać bieź mifałohii i mistyfikacyj, bo tolki praŭda cikavaja.
Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7
Kamientary