Jano było pryśviečana pieravažna ŭnutranym prablemam Rasii, ale zakranuŭ jon i źniešniuju palityku.
«U śviecie, padobna, usie pryvykli da praktyki palityčna matyvavanych, niezakonnych praktyk u ekanomicy, hrubych sprobaŭ adnych naviazać svaju volu inšym. Siońnia padobnaja praktyka pieraradžajecca ŭ niešta značna bolš niebiaśpiečnaje. Maju na ŭvazie fakty pramoj sproby arhanizacyi dziaržaŭnaha pieravarotu ŭ Biełarusi i zabojstva prezidenta hetaj krainy, — zajaviŭ jon. — Pry hetym charakterna, što takija aburalnyja dziejańni nie znachodziać asudžeńnia tak zvanaha kalektyŭnaha Zachadu. Nichto hetaha jak by nie zaŭvažaje, usio robiać vyhlad, što naohuł hetaha nie adbyvajecca.
Možna jak zaŭhodna stavicca, naprykład, da prezidenta Ukrainy Janukoviča, jakoha taksama ledź nie zabili i adchilili ad ułady z dapamohaj uzbrojenaha pieravarotu, ci tam da Madury ŭ Vieniesuele. Možna mieć luby punkt hledžańnia nakont palityki prezidenta Biełarusi Łukašenki Alaksandra Ryhoraviča. Ale praktyka arhanizacyi dziaržpieravarotaŭ, płanaŭ palityčnych zabojstvaŭ, u tym liku i vyšejšych słužbovych asob… Nu heta ŭžo zanadta. Pierajšli ŭžo ŭsie miežy!
A čaho tolki kaštujuć pryznańni zatrymanych udzielnikaŭ zmovy ŭ tym, što rychtavałasia błakada Minska, uklučajučy haradskuju infrastrukturu i srodki kamunikacyi, poŭnaje adklučeńnie ŭsioj enierhasistemy stalicy Biełarusi. Heta značyć, što pa sutnaści viałasia padrychtoŭka da masiravanaj kibierataki, a jak inakš? Heta tak, viedajecie, prosta tak adnym rubilnikam nie zrobiš.
Mabyć, niezdarma zachodnija kalehi ŭparta admaŭlajucca ad šmatlikich rasijskich prapanoŭ naładzić mižnarodny dyjałoh u halinie infarmacyjnaj i kibierbiaśpieki. My šmat razoŭ heta prapanoŭvali. Usie sychodziać prosta navat ad abmierkavańnia hetaha pytańnia.
A što było b, kali b sproba dziaržaŭnaha pieravarotu ŭ Biełarusi była realna zroblenaja? Bo da hetaha ž usio i viałosia. Kolki b ludziej paciarpieła! Jak składvaŭsia b naohuł los Biełarusi, pra heta nichto nie dumaje».
Pry hetym Pucin padkreśliŭ miralubnaść rasijskich uładaŭ.
«My pavodzim siabie ŭ vyšejšaj stupieni strymana, možna skazać, ścipła, časta naohuł nie adkazvajem nie tolki na niedružalubnyja akcyi, ale i na adkrytaje chamstva», — zajaviŭ Pucin.
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ3
Kamientary