U adzinym na krainu punkcie vakcynacyi ŭ hipiermarkiecie — hihanckija čerhi, uviali papiaredni zapis
Punkt pracuje z 9.00 da 21.00. Vakcynacyja ažyćciaŭlajecca z 10.30 da 14.00 i z 14.30 da 21.00. Daviedki dajuć praz telefon (017) 221-30-82.
Niekalki hadzin daviadziecca prastajać, kab vakcynavacca ad kavidu ŭ handlovym centry «Ekspabieł» biez papiaredniaha zapisu.
Centr stvorany administracyjaj HC i Minskaj rajonnaj paliklinikaj. Za dzień tut daktary vakcynujuć kala 120 čałaviek. U čarzie zaŭsiody staić niekalki dziasiatkaŭ, u pieršy dzień čarha dasiahała sta čałaviek. Bolšaść ludziej zajmaje čarhu i adychodzić pahulać ci zakupicca.
Z ulikam vialikaha zapatrabavańnia, u centry ŭviali papiaredni zapis. 10 maja možna było zapisacca na 12-15 maja.
Punkt pracuje z 9.00 da 21.00. Vakcynacyja ažyćciaŭlajecca z 10.30 da 14.00 i z 14.30 da 21.00. Daviedki dajuć praz telefon (017) 221-30-82.
Z saboju treba mieć pašpart abo inšy dakumient, jaki paćviardžaje asobu. Doktar vas ahledzić na miescy.
U centry vakcynacyi pracujuć miedyki Minskaj centralnaj rajonnaj kliničnaj balnicy.
Pryščaplajuć tut «Sputnikam V».
Pierad pryščepkaj pacyjenta ahladaje lekar, mieraje tempieraturu, źbiraje epidemijałahičny anamniez, vymiaraje saturacyju, ahladaje zieŭ.
Paśla ŭviadzieńnia preparatu treba naziracca 30 chvilin, paśla čaho vydajuć daviedku ab prachodžańni pieršaha etapu vakcynacyi. Nie mienš čym praz 21 dzień pacyjentu treba budzie znoŭ pryjści na pryščepku druhoha kampanienta vakcyny.
Na siońnia ŭ Biełarusi pryščapiłasia choć by adzin raz kala 3% nasielnictva. Dla paraŭnańnia: u Litvie — kala 30%, u Polščy — 27%, u Rasii — kala 14%.
Vakcynacyja dvuma kampanientami daje bolš čym 90%-ju harantyju, što ty nie zachvareješ na kavid prynamsi 6 miesiacaŭ, a, najchutčej, i ceły hod. A ryzyka ciažkaha praciakańnia kavidu paśla vakcynacyi praktyčna vyklučanaja.
Praktyku stvareńnia punktaŭ vakcynacyi ŭ handlovych centrach biełarusy pieraniali ad Izraila i krain Jeŭropy, jakija prasunulisia ŭ hetym dalej za nas.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary