Termin utrymańnia pad vartaj pravaabaroncu Sudalenku praciahnuli jašče na dva miesiacy
18 maja pavinien byŭ skončycca termin utrymańnia pad vartaj pravaabaroncy i palitviaźnia Leanida Sudalenki. Adnak siońnia stała viadoma, što termin praciahnuty znoŭ, hetym razam da 18 lipienia, piša spring96.org.
Staršynia Homielskaha adździaleńnia pazbaŭlenaha rehistracyi pravaabarončaha centra «Viasna» Leanid Sudalenka byŭ zatrymany 18 studzienia pa darozie na ofis u miežach kryminalnaj spravy, zaviedzienaj pa č. 1 i 2 art. 342 Kryminalnaha kodeksa (Hrupavyja dziejańni, jakija hruba parušajuć hramadski paradak).
Jašče 5 studzienia ŭ hramadska-palityčnym centry na vulicy Paleskaj, 52, dzie znachodzicca ŭ tym liku i ofis «Homielskaj Viasny», adbyŭsia pieratrus, jaki doŭžyŭsia bolš za 9,5 hadzin.
Za svaju pravaabarončuju dziejnaść Sudalenka byŭ udastojeny prestyžnaj francuzskaj premii «Svaboda — Roŭnaść — Braterstva» ŭ 2019 hodzie. U tym ža hodzie biełaruskaj pravaabarončaj supolnaściu jon byŭ uznaharodžany Nacyjanalnaj premijaj za dasiahnieńni ŭ halinie pravoŭ čałavieka ŭ naminacyi «Pravaabaronca hoda».
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7
Kamientary