Aleh Daškievič źniaŭ film pra toje, čamu nie varta zajmacca žurnalistykaj u Biełarusi. Z naciskam na «varta».
Kinarežysior Aleh Daškievič źniaŭ film pra toje, čamu nie varta zajmacca žurnalistykaj u Biełarusi. Z naciskam na «varta».
Ni na chvilu nie ścišanaje procistajańnie pieršaj ułady z čaćviortaj u novaj dakumientalnaj stužcy Aleha Daškieviča «Žurnalisty» padadzienaje z hledzišča apošniaj. Tyja, pieršyja ŭładatrymcy, nadta dobra abaznanyja, što kontrudary ŭ infarmacyjnaj vajnie možna nanosić i pa tvary žurnalista. Usio prosta ažno banalna: ty pišaš — tabie starajucca vydrać ałovak z palcami, ty biareš intervju — adrazu znojducca cikaŭnyja pahladzieć, što ŭ tvaim dyktafonie (varyjant: čarapnoj karobcy).
Zdajecca, u filmie ŭsio naadvarot. Zazvyčaj jany byli pa toj bok abjektyvu, ciapier zdymajuć ich samich. I, byccam by, adbyvajecca mietamarfoza: pierad abjektyvam užo nie lehienda biełaruskaj žurnalistyki Pavał Šaramiet, a adłupcavany žyćciom hastarbajter, jaki raspaviadaje pra vymušany źjezd u Rasiju. Nie Śviatłana Kalinkina, žaleznaja namieśnica hałoŭnaha redaktara «Narodnaj Voli», a siaredniestatystyčnaja maci, što, vyścierahajučysia złych jazykoŭ, vymušanaja navučać syna abiarežnaj mantry: «Što b ni zdaryłasia, mama nie złačynca». Ale ty, čałavieča, nie vier stvoranaj iluzii: jany źviery, jany drapiežniki, łancužnyja sabaki demakratyi; uciakaj, bo zahryzuć…
Aleh Daškievič źniaŭ film, čamu nie varta zajmacca žurnalistykaj u Biełarusi. Z naciskam na «varta» (ale niachaj heta budzie naš karparatyŭny sakret). Vielmi rekamiendavany film dla prahladu na žurfaku BDU. U siecivie stužku možna ŭbačyć na staroncy Biełaruskaj asacyjacyi žurnalistaŭ.
«Žurnalisty» (dakum., 53 chv., rež. Biełaruś, rež. Aleh Daškievič).
Kamientary