26 maja baćkam Dźmitryja Furmanava Alaksandru i Volzie admovili ŭ spatkańni z synam. Palitviaźniu padoŭžyli znachodžańnie ŭ karcary da 1 červienia. Da hetaha Dźmitryj užo pravioŭ u karcary turmy № 1 Hrodna siem sutak, paviedamlaje Hrodna.life.
Dazvoł na spatkańnie ad sudździ atrymali, raspaviała ŭ Facebook dziaŭčyna Dźmitryja Volha Karakina. 19 maja spatkańnie pieranieśli pa toj ža pryčynie.
U siaredzinie maja Furmanava adpravili ŭ karcar paśla taho, jak jon prysieŭ na łožak u nienaležny čas, a nahladčyk napisaŭ rapart, što jon lažaŭ. Jaho vyklikali na prafiłaktyčnuju hutarku, dzie tłumačeńni Dźmitryja nie stali słuchać. Paśla hetaha jon zamaŭčaŭ u znak pratestu i atrymaŭ siem sutak karcara. Za što Furmanaŭ atrymaŭ karcar druhi raz, baćki nie viedajuć.
U karcary abvinavačany znachodziacca adzin u kamiery, jamu nielha čytać, pisać i atrymlivać listy, chadzić na špacyr, chadzić na spatkańni. U kamiery prybirajuć łožak i matrac. Jak praviła, raspavioŭ Alaksandr, hetyja kamiery raźmiaščajucca ŭ padvale, z-za čaho tam choładna i mokra.
Dźmitryj Furmanaŭ — palitviazień, jaki prachodzić abvinavačanym pa «spravie Cichanoŭskaha». Jaho abvinavacili pavodle č. 1 art. 342 KK «udzieł u hrupavych dziejańniach, jakija hruba parušajuć hramadski paradak». Pa słovach prakurora, Furmanaŭ dapamahaŭ šukać Cichanoŭskamu saŭdzielnikaŭ za ŭznaharodžańnie. Prakuror zapytaŭ jamu dva hady pazbaŭleńnia voli ŭ kałonii ahulnaha režymu. 31 maja projdzie apošniaje słova abvinavačanych. Šeść sutak jon i jaho dziaŭčyna Volha trymali haładoŭku. Uletku 2020 hoda dziaŭčyna i mama palitviaźnia abviaščali haładoŭku, kab dapamahčy Dźmitryju.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary