Novaŭviadzieńni ŭ Pracoŭnym kodeksie: zvalnieńnie za papadańnie na sutki, zabarona palityčnych zabastovak
Ministerstva pracy i sacyjalnaj abarony prakamientavała źmieny ŭ Pracoŭny kodeks i zakon «Ab pramysłovaj biaśpiecy», jakija ŭniesieny pryniatym 28 maja 2021 hoda zakonam №114-Z «Ab źmianieńni zakonaŭ pa pytańniach pracoŭnych adnosin», piša BiełTA.
Tak, u častcy pytańniaŭ dyscyplinarnaj adkaznaści punkt 7 artykuła 42 Pracoŭnaha kodeksa dapaŭniajecca novymi padstavami zvalnieńnia ź inicyjatyvy najmalnika. Heta adsutnaść na pracy ŭ suviazi z adbyvańniem administracyjnaha spahnańnia ŭ vyhladzie administracyjnaha aryštu, što pieraškadžaje vykanańniu pracoŭnych abaviazkaŭ.
Dastatkovaj padstavaj taksama moža stać prymus rabotnikaŭ da ŭdziełu ŭ strajku, stvareńnie inšym rabotnikam pieraškod dla vykanańnia ich pracoŭnych abaviazkaŭ, zaklik rabotnikaŭ da spynieńnia vykanańnia pracoŭnych abaviazkaŭ biez uvažlivych pryčyn; udzieł rabotnika ŭ niezakonnaj zabastoŭcy.
Zakonam uniesieny źmieny ŭ artykuł 46 PK, zhodna ź jakim vyklučajucca nieabchodnaść papiaredniaha paviedamleńnia prafsajuza pry skasavańni pracoŭnaha dahavora z rabotnikam pa vyšejnazvanych troch novych padstavach zvalnieńnia, a taksama mahčymaść uklučeńnia ŭ kalektyŭnyja dahavory, pahadnieńni patrabavańnia ab papiaredniaj zhodzie prafsajuza na zvalnieńnie na hetych padstavach.
Vyznačajucca dyscyplinarnaja adkaznaść za supraćpraŭnyja dziejańni ź piersanalnymi danymi. Artykuł 47 PK dapoŭnieny novaj padstavaj zvalnieńnia za parušeńnie rabotnikam paradku zboru, sistematyzacyi, zachoŭvańnia, źmieny, vykarystańnia, abiaźličvańnia, błakavańnia, raspaŭsiudžvańnia, pradastaŭleńnia, vydaleńnia piersanalnych danych.
Karekciroŭkaj artykuła 49 PK pašyranyja paŭnamoctvy najmalnika dla adchileńnia rabotnika ad pracy. U pryvatnaści, u vypadkach, kali toj zaklikaje inšych rabotnikaŭ da spynieńnia pracy biez uvažlivych pryčyn.
Razam z uklučeńniem u PK novych padstaŭ zvalnieńnia, zakonam udakładniajecca paradak pryciahnieńnia rabotnikaŭ da dyscyplinarnaj adkaznaści. Źmieny ŭ artykuł 199 kodeksa pradastaŭlajuć najmalniku prava prymianiać da rabotnika dyscyplinarnaje spahnańnie ŭ tym liku i ŭ tych vypadkach, kali niemahčyma atrymańnie ad rabotnika tłumačeńnia z nahody ździejśnienaj dyscyplinarnaj praviny. Adsutnaść takoj mahčymaści pavinna być aformlena aktam z ukazańniem prysutnych śviedak.
Artykuł 388 PK dapaŭniajecca normaj, zhodna ź jakoj pry praviadzieńni zabastovak zabaraniajecca vystaŭleńnie palityčnych patrabavańniaŭ. Z ulikam karekciroŭki artykuła 395 PK rašeńnie suda ab pryznańni niezakonnymi zabastoŭki abo rašeńnia ab jaje praviadzieńni budzie padlahać nieadkładnamu vykanańniu.
Vyznačana, što śpiecyjalnym zakonam mohuć być ustanoŭleny abmiežavańni realizacyi prava na strajk u toj miery, u jakoj heta nieabchodna ŭ intaresach nacyjanalnaj biaśpieki, hramadskaha paradku, zdaroŭja nasielnictva, pravoŭ i svabod inšych asob.
Zakonam ustanoŭlenaja zabarona na praviadzieńnie zabastovak na pradpryjemstvach, jakija majuć niebiaśpiečnyja vytvorčyja abjekty.
Źmieny ŭstupiać u siłu 30 červienia 2021 hoda.
Kamientary