Łukašenka prybyŭ u Škłoŭski rajvykankam, dzie jaho sustreli ministr abarony Biełarusi Viktar Chrenin, dziaržaŭny sakratar Savieta biaśpieki Alaksandr Valfovič, a taksama pradstaŭniki miascovych orhanaŭ ułady.
Padčas karotkaj razmovy pierad mierapryjemstvam Łukašenka ŭzhadniŭ pryznačeńnie namieśnika staršyni Horackaha rajvykankama Andreja Kamko kiraŭnikom Škłoŭskaha rajona, piša BiełTA
«Za minuły hod my na sabie adčuli, jak destruktyŭnaje infarmacyjnaje ŭździejańnie, ekanamičny, palityčny cisk, jakija išli z Zachadu, upłyvali na śvietapohlad našych ludziej i šturchali niekatorych ź ich faktyčna na zdradu ŭłasnaha naroda. Zaŭsiody nieabchodna davać taki adpor padobnym dziejačam, kab u pamiaci voraha jon zapomniŭsia na mnohija hady. I na heta zdolnaja tolki ŭsienarodnaja abarona, kali my ŭsie budziem abaraniać svaju ziamlu», — padkreśliŭ Alaksandr Łukašenka. Jon taksama źviarnuŭ asablivuju ŭvahu na zabieśpiačeńnie poŭnaj hatoŭnaści orhanaŭ kiravańnia terytaryjalnaj abaronaj i chutkaj mabilizacyi sił i srodkaŭ.
«Da hetaha ŭ krainie ŭsie pavinny rychtavacca paśla siońniašniaha mierapryjemstva, — skazaŭ Alaksandr Łukašenka. — Adna z metaŭ sustrečy — dać sihnał na miescy, kab jany padobnym čynam u kožnaj zonie (u nas ich 7), u kožnym rajonie byli hatovyja admabilizavacca ŭ toj termin, u jaki budzie pryniata rašeńnie prezidentam».
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ67
Kamientary