Na sustrečy ŭ Ženievie 16 červienia prezident ZŠA Džo Bajden i prezident Rasii Uładzimir Pucin damovilisia ab uzajemnym viartańni pasłoŭ u Maskvu i Vašynhton.
Pra heta Pucin zajaviŭ na pres-kanfierencyi paśla zaviaršeńnia sustrečy.
«Što tyčycca viartańnia pasłoŭ (u Maskvu amierykanskaha ambasadara, a ŭ Vašynhton — rasijskaha), my damovilisia, što hetaje pytańnie vyrašana. Jany viartajucca na miesca svajoj słužby. Kali kankretna — zaŭtra, paślazaŭtra — heta pytańnie čysta techničnaha charaktaru», — skazaŭ prezident Rasii.
Pasoł Rasii ŭ ZŠA Anatol Antonaŭ byŭ adklikany z Vašynhtona kala troch miesiacaŭ tamu paśla taho, jak Bajden nazvaŭ Pucina zabojcam, a ambasadar ZŠA ŭ Rasii Džon Salivan pakinuŭ Maskvu amal dva miesiacy tamu paśla taho, jak Rasija prapanavała jamu viarnucca ŭ Vašynhton dla kansultacyj.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary