Prezident Ukrainy Uładzimir Zialenski zajaviŭ, što los miru na ŭschodzie Ukrainy całkam zaležyć ad prezidenta Rasii Uładzimira Pucina, i zaklikaŭ jaho prajavić u hetym pytańni «palityčnuju i čałaviečuju volu».
Zialenski daŭ intervju na rasijskaj movie viadučamu telekanała «Dom», stvoranaha ŭkrainskim uradam i zaklikanaha viaščać na niepadkantrolnyja Kijevu terytoryi, u tym liku anieksavany Krym, piša Bi-bi-si.
Kamientujučy svaje pieradvybarnyja abiacańni na praciahu hoda skončyć vajnu na ŭschodzie krainy, Zialenski skazaŭ: «Vy ž abiacali praz hod skončyć vajnu … Viadoma, viadoma. Ja vielmi hetaha chaču. Ja ŭsio rablu dla hetaha. Ale, na žal, nie ŭsio ad mianie zaležyć».
«Ja siońnia liču — ja absalutna hetaha nie chavaju — i prezident Rasijskaj Fiederacyi viedaje majo mierkavańnie — ja liču, što siońnia 90% pośpiechu ŭ pytańni viartańnia Danbasa, u miry va Ukrainie, u deakupacyi našaj terytoryi — zaležyć ad adnaho čałavieka, — skazaŭ Zialenski, pry hetym nie nazyvajučy proźvišča Pucina.
— I dakładna treba viedać, što jon z hetym žyvie. I ludzi na Danbasie pavinny heta razumieć. Nie pavinny žyć niejkimi iluzijami — voś kali b dy kab … niama nijakich kali b dy kab!».
Zialenski pry hetym skazaŭ, što Rasija — heta adzin z bakoŭ kanfliktu na Danbasie, choć i nie choča hetaha pryznavać. Rasijskija ŭłady nieadnarazova śćviardžali, što Kijeŭ pavinien vieści pramyja pieramovy z kiraŭnikami niepryznanych «DNR» i «ŁNR», a Maskva ŭ supraćstajańni nie ŭdzielničaje.
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1616
Kamientary