Navukoŭcy stvaryli škło, jakoje ŭ dva razy macniejšaje za ałmazy
Ałmaz ličycca samym ćviordym rečyvam u śviecie, viadoma, što jon zdolny rezać škło. Ale novy typ škła, vyrableny z vuhlarodu, u dva razy macniejšy za ałmazy.
Kamanda navukoŭcaŭ pad kiraŭnictvam supracoŭnikaŭ Jańšańskaha ŭniviersiteta ŭ Kitai pradstavili typ škła pad nazvaj AM-III, zdolny pakidać na ałmazach hłybokija drapiny. Novy materyjał prazrysty i maje žaŭtavataje adcieńnie. Pa škale ćviordaści Vikiersa AM-III dasiahaje pakazčyka 113 hihapaskalaŭ, u toj čas jak ałmazy zvyčajna nabirajuć 50-70 hihapaskalaŭ, piša Daily Mail.
Vučonyja nie źbirajucca vykarystoŭvać novaje škło, kab zamianić ałmazy. Zamiest hetaha, ličać jany, AM-III moža dapamahčy stvarać bolš mocnyja fotaelemienty dla soniečnych panelaŭ, a taksama bolš tryvałyja kulenieprabivalnyja vokny, jakija buduć na 20-100% macniejšyja za ciapierašnija varyjanty.
Kab stvaryć novaje škło, navukoŭcy źmiaścili fuleren — materyjał na bazie vuhlarodu — u ekśpierymientalnuju kamieru i daviali jaho da tempieratury 1200°S pad ciskam 25 hihapaskalaŭ. U takich umovach fuleren moh pieratvarycca ŭ ałmaz, ale dziakujučy tamu, što tempieraturu padymali pastupova, atrymałasia stvaryć vyklučna mocnaje škło.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia15
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2222
Kamientary