«Surahatami ałkaholu ŭ Pudažskim rajonie atrucilisia vosiem čałaviek, žychary Biełarusi. Adzin pamior da pryjezdu bryhady chutkaj dapamohi», — napisaŭ ministr achovy zdaroŭja respubliki Michaił Achłopkaŭ na svajoj staroncy ŭ sacsietcy «UKantakcie».
Jašče adzin čałaviek, špitalizavany ŭ Pudažskuju balnicu, znachodzicca ŭ terminalnym stanie, paviedamlaje Interfaks.
«Na žal, my nie stroim stanoŭčych prahnozaŭ pa jaho stanie. Na ranicu jon trapiŭ u stan kliničnaj śmierci, ale dziakujučy piśmiennaj i kvalifikavanaj pracy śpiecyjalistaŭ Pudažskaj CRB reanimavany», — padkreśliŭ ministr.
Dva čałavieki ŭ niadzielu byli dastaŭleny ŭ Respublikanskuju balnicu, abodva — u ciažkim stanie, znachodziacca na hiemadyjalizie.
«Jašče čaćviora pastupili siońnia ŭ Pudažskuju CRB, adzin - ź vidavočnymi prykmietami atručvańnia, u traich - vidavočnaj kliniki atručvańnia niama. Ale niebiaśpieka atručvańnia surahatami zaklučajecca ŭ tym, što prajavy kliniki mohuć być praź niekalki dzion i vyjaŭlajucca vostraj nyračnaj niedastatkovaściu», — adznačyŭ Achłopkaŭ.
Kamientary