Zialenski na paradzie na Dzień Niezaležnaści pažartavaŭ ź Janukoviča, a raśśmiašyŭ Parašenku, Kučmu i Juščanku
Siońnia Ukraina adznačaje 30-hodździe niezaležnaści. Prezident Uładzimir Zialenski padčas pramovy ahučyŭ žart, jaki raśśmiašyŭ prysutnych druhoha, treciaha i piataha prezidentaŭ — Leanida Kučmu, Viktara Juščanku i Piatra Parašenku.
Zialenski ŭ pramovie tłumačyŭ, čamu ŭkrainski narod źjaŭlajecca adzinym, i padkreśliŭ — kožny z rehijonaŭ daŭ dziaržavie važnych fihur.
Spačatku kiraŭnik dziaržavy padziakavaŭ Rovienščynie za pieršaha prezidenta Ukrainy Leanida Kraŭčuka, zatym — Čarnihaŭščynie za druhoha, Leanida Kučmu, Sumskaj vobłaści — za treciaha, Viktara Juščanku.
A kali čarha dajšła da Danieččyny, Zialenski zrabiŭ paŭzu i padziakavaŭ uschodniamu rehijonu Ukrainy za Leanida Bykava — talenavitaha režysiora i akciora, i za spartsmiena z suśvietnym imiem Siarhieja Bubku.
«Rovienščyna padaryła nam pieršaha prezidenta Ukrainy, Čarnihaŭščyna — druhoha, Sumščyna — treciaha. Danieččyna… padaryła nam Leanida Bykava i Siarhieja Bubku! Łuhanščyna [linhvista] Uładzimira Dala…»
Z-za taho, što prysutnyja čakali, što Zialenski skaža pra prezidenta-ŭciekača Viktara Janukoviča, pačaŭsia śmiech siarod hledačoŭ. Žart raźviesialiŭ Parašenku, Juščanku i Kučmu, što prysutničali na śviatkavańni. Pieršy prezident Ukrainy Leanid Kraŭčuk znachodzicca ŭ balnicy paśla apieracyi na sercy.
Cikava, što Parašenku Zialenski taksama nie zhadaŭ, adznačaje Ukrainskaja praŭda.
-
Rasijskija ŭłady ŭ 2024 hodzie zapatrabavali ad Google vydalić rekordnuju kolkaść kantentu
-
U Łatvii admovilisia prybrać biełaruskija i rasijskija harady z darožnych pakazalnikaŭ
-
Dziaržaŭny sakratar ZŠA Marka Rubia budzie časova vykonvać abaviazki pamočnika prezidenta ZŠA ŭ nacbiaśpiecy zamiest Uołca
Ciapier čytajuć
Vieniesuełka, jakaja pracuje na BT, raspaviała, čamu jaje siamja dumaje, što jana ŭ Biełarusi vielmi bahataja. Pryčyny vas ździviać6
Kamientary