U Hviniei adbyŭsia pieravarot. Vajskoŭcy zrynuli 83-hadovaha prezidenta, jaki hod tamu źmianiŭ kanstytucyju
Armiejski śpiecnaz Hviniei abviaściŭ ab źviaržeńni 83-hadovaha prezidenta Alfy Konde i rospusku ŭrada.
Vidavočcy paviedamlajuć, što ŭ rajonie rezidencyi ŭ niadzielu adbyŭsia boj, a ŭ sacsietkach raspaŭsiudžvajucca videa i fota prezidenta ŭ asiarodździ ŭzbrojenych ludziej u vajskovaj formie.
Vajennyja abviaścili pa dziaržaŭnamu telebačańniu, što prezident Alfa Konde zrynuty i aryštavany, a ŭrad raspuščany.
Vajskoŭcy zajavili ŭ telezvarocie, što ŭziali ŭładu praz toje, što kraina zahrazła ŭ karupcyi i halečy.
Alfa Konde, jakomu ciapier 83 hady, bolšuju častku žyćcia byŭ apazicyjanieram i zmahaŭsia z aŭtarytarnymi kiraŭnikami hetaj zachodnieafrykanskaj krainy, jakaja ličycca adnoj z samych biednych u śviecie.
U 2010 hodzie jon pieramoh u druhim tury prezidenckich vybaraŭ, staŭšy pieršym demakratyčna abranym lidaram Hviniei, a ŭ 2015-m pieraabraŭsia na pasadu kiraŭnika dziaržavy.
U sakaviku 2020 hoda ŭ Hviniei byŭ praviedzieny kanstytucyjny refierendum, dziakujučy jakomu prezidenckija terminy Konde abnulilisia i jon zmoh bałatavacca na treci termin.
Ciapier čytajuć
Łatuška: U Piatkievič treślisia ruki, hałava, jana tupała, kryčała: «Vy nasadžajecie nacyjanalizm»33
Kamientary