Znojdzieny preparat, jaki moža praduchilić tysiačy spynieńniaŭ serca ŭ hod
Preparat cysteamin, užo dazvoleny dla ŭžyvańnia ŭ ludziej, pakazaŭ siabie z novaha boku. Akazałasia, što jon nie tolki dapamahaje zachavać funkcyju nyrak, ale i zmahajecca z aterasklerozam.
Novyja ŭłaścivaści cysteaminu adkryli brytanskija daśledčyki praz ekśpierymienty na myšach. Preparat pakazaŭ zdolnaść spyniać źjaŭleńnie ŭ arteryjach tłuščavych adkładaŭ i razburać tyja, što ŭžo isnujuć tam. Dziakujučy takim zdolnaściam prymianieńnie cysteaminu moža dapamahčy praź dziesiać hadoŭ praduchilać tysiačy infarktaŭ i spynieńniaŭ serca na hod, piša inews.
Kali typ tłušču pad nazvaj chalesteryn lipaprateinaŭ nizkaj ščylnaści (ŁPNŠ) akiślajecca, jon pačynaje farmiravać blaški na ścienkach arteryj. U vypadku, kali hetyja blaški adarvucca ad sasudaŭ, jany mohuć pieratvarycca ŭ tromby, zdolnyja błakavać žyćciova važnyja sasudy. Heta i vyklikaje infarkty i insulty.
Raniej navukoŭcy vyśvietlili, što chalesteryn ŁPNŠ moža akiślacca ŭ lizasomach — elemientach imunnych kletak unutry ścienki arteryi. Ciapier padčas ispytaŭ na myšach stała zrazumieła, što cysteamin zdolny nakoplivacca ŭ lizasomach i spyniać akiśleńnie chalesterynu ŁPNŠ. U vypadku z myšami preparat źmianšaje kolkaść tłušču ŭ pracesie akiśleńnia na 73% i dolu zapalenčych biełych kryvianych cielcaŭ na 55%.
Patrebnyja dadatkovyja testy, kab pravieryć efiektyŭnaść preparata, i niama harantyi pośpiechu. Ale, kali ŭsio atrymajecca, novyja leki suprać aterasklerozu źjaviacca ŭ prymianieńni ŭ najbližejšyja dziesiać hadoŭ.
Ciapier čytajuć
Zahinuŭ biełaruski dobraachvotnik Alaksiej Łazaraŭ12
Kamientary