Minčuku dali dva hady kałonii za dopisy ŭ telehramie ab błakavańni daroh
Pazoŭ «Minsktransa» skłaŭ 237 tysiač rubloŭ.
Sud Zavodskaha rajona vynies prysud pa kryminalnaj spravie ŭ dačynieńni da Artura Chaćko, jakoha vinavacili ŭ arhanizacyi abo aktyŭnym udziele ŭ hrupavych dziejańniach, jakija hruba parušajuć hramadski paradak (art. 342 KK RB), raspaviadaje «Viasna».
Pavodle śledstva, Chaćko nieadnarazova z 31 žniŭnia 2020 hoda pa 30 krasavika 2021 hoda raźmiaščaŭ u čatach dopisy z prapanovami błakavańnia ruchu transpartu, arhanizacyi masavych mierapryjemstvaŭ.
Jaho zatrymali 10 červienia.
Padčas sprečak prakuror kazaŭ, što abvinavačany vinu pryznaŭ u poŭnym abjomie. U adkrytym dostupie ŭ internecie raźmiaščaŭ zakliki vychodzić na vulicu i parušać zakon u zmovie ź nieŭstanoŭlenymi asobami, što pryviało da masavych biesparadkaŭ i parušeńnia pracy hramadskaha transpartu 13, 20, 23, 27 vieraśnia, 4, 18, 25 kastryčnika i 1 listapada.
Materyjalny pazoŭ «Minsktransa» skłaŭ 237 rubloŭ 99 kapiejek.
U apošnim słovie Chaćko paprasiŭ prabačeńnia pierad tymi, kamu naškodziŭ, abiacaŭ bolš nie ŭdzielničać u masavych mierapryjemstvach.
Sudździa Anžeła Kaściukievič vyniesła prysud — dva hady kałonii ahulnaha režymu.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary