Za repost z kanała Tutbaj minčuka pakarali 15-sutačnym aryštam
Učora kala 16:00 supracoŭniki milicyi zatrymali 36-hadovaha Paŭła Śmirnova i dastavili jaho ŭ Frunzienski RUUS dla «prafiłaktyčnaj hutarki», paviedamlajuć pravaabaroncy.
Zhodna z pakazańniami milicyjanta, Pavieł raniej udzielničaŭ u niesankcyjanavanych masavych mierapryjemstvach, tamu jaho advieźli ŭ RUUS dla «pravierki». Padčas hutarki Śmirnoŭ addaŭ milicyjantam svoj telefon, u jakim jany znajšli pierasyłańnie paviedamleńnia z th-kanała Tutbaj u pryvatnaj pierapiscy ź siabram 23 vieraśnia. Za heta na minčuka skłali pratakoł pa art. 19.11 KaAP (raspaŭsiudžvańnie infarmacyjnaj pradukcyi, jakaja źmiaščaje zakliki da ekstremisckaj dziejnaści abo prapahanduje takuju dziejnaść).
Spravu Paŭła 24 vieraśnia razhledzieła sudździa Frunzienskaha rajona Taćciana Połulech. Svaju vinu mužčyna pryznaŭ i dadaŭ, što nie viedaŭ ab pryznańni th-kanała «ekstremisckim». Taksama siońnia ŭ praŭładnych th-kanałach źjaviłasia pakajalnaje videa sa Śmirnovym.
U vyniku sudździa Połulech pryznała mužčynu vinavatym i aryštavała jaho na 15 sutak.
U Rasii aktrysu, jakaja źniałasia ŭ paradyjnym roliku ŭ palicejskaj formie, aryštavali na 10 sutak
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie1
Kamientary