U kamientary telekanału «Biełaruś 1» Uładzimir Makiej raskazaŭ, pra što viałasia havorka na sustrečy z hienieralnym sakratarom AAN Antonia Huteryšam, jakaja adbyłasia ŭ ramkach Hienieralnaj asamblei AAN u Ńju-Jorku.
Siarod inšaha, ministr paviedamiŭ kiraŭniku AAN, što niekatoryja pradstaŭniki kamandy arhanizacyi ŭ Biełarusi vykarystoŭvali hrošy, jakija vydzialalisia dla ludziej ź invalidnaściu, na padtrymku ludziej, jakija ŭdzielničali ŭ pratesnych akcyjach.
Padrabiaznaści rasśledavańnia Makiej paabiacaŭ raskryć paźniej. Pa jaho słovach, hienieralny sakratar AAN byŭ nie ŭ kursie takich spraŭ.
«My papiaredzili Hienieralnaha sakratara pra heta, choć raniej my damovilisia nie davodzić da ahulnaha viedama hetyja fakty, ale raz hetaja arhanizacyja parušyła damoŭlenaści, to sa svajho boku taksama my zrobim adpaviednyja vysnovy i prainfarmujem i naša hramadstva, i ŭsich našych partnioraŭ u ramkach AAN», — raskazaŭ ministr.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj31
Kamientary