Ułada

Łukašenka: Da refierendumu płanujucca dyviersii na abjektach abaronnaha kompleksu i ekanomiki

«U jakaści adnoj z mahčymych dat čarhovaj sproby revalucyi (dnia «Ch», jak jany ličać) razhladajecca pieryjad praviadzieńnia kanstytucyjnaha refierendumu», — pra heta Alaksandr Łukašenka zajaviŭ siońnia, prymajučy kadravyja rašeńni ŭ sistemie dziaržaŭnaj biaśpieki, piša BiełTA.

«Chaču źviarnuć uvahu: situacyja zastajecca napružanaj, i nam supakojvacca jana nie daje. Vam lepš za inšych viadoma, što niaŭdałaja sproba dziaržaŭnaha pieravarotu nie źmianiła płanaŭ praciŭnika. Kalektyŭny Zachad praciahvaje ŭmiešvacca va ŭnutranyja spravy krainy, naceliŭšysia na źmienu ŭłady, a samaje niebiaśpiečnaje dla nas — źniščeńnie niezaležnaści našaj dziaržavy. Heta my pavinny pamiatać. Razumieć i adčuvać kožny dzień i kožnuju hadzinu, asabliva vy», — zajaviŭ Alaksandr Łukašenka.

Jon dadaŭ, što zadziejničajucca sankcyi. «Finansujucca pratesty, ekstremizm, teraryzm. Padbirajucca i rychtujucca bajeviki. My heta nie prosta viedajem, my z hetym pracujem. (…) Stvoranyja pad kantrolem śpiecsłužbaŭ palitemihranckija centry ŭ Varšavie i Vilni nacelvajuć radykałaŭ na akcyi zastrašvańnia ŭ dačynieńni da hramadskich i dziaržaŭnych dziejačaŭ, pradstaŭnikoŭ srodkaŭ masavaj infarmacyi, siłavych orhanaŭ. Dabralisia i da sudziejskaha korpusa», — zajaviŭ Łukašenka.

Jon raspavioŭ, što dyviersii płanujucca na abjektach abaronnaha kompleksu, ekanomiki, žyćciezabieśpiačeńnia.

«Zamiežnyja śpiecsłužby i ich pamahatyja vyvučajuć abstanoŭku ŭ pracoŭnych kalektyvach, sprabujuć inśpiravać zabastoŭki», — zajaviŭ Łukašenka.

«U jakaści adnoj z mahčymych dat čarhovaj sproby revalucyi (dnia «Ch», jak jany ličać) razhladajecca pieryjad praviadzieńnia kanstytucyjnaha refierendumu» [refierendum maje prajści ŭ lutym 2022], — dadaŭ Łukašenka.

Jon adznačyŭ, što vykarystoŭvajucca «aprabavanyja ŭ inšych krainach sučasnyja infarmacyjnyja technałohii, razhornutaja psichałahičnaja vajna, nacelenaja na farmavańnie ŭ nasielnictva Biełarusi niehatyŭnaha vobrazu ŭłady».

«Hetyja mietodyki ŭździejańnia nakiravanyja na supracoŭnikaŭ dziaržaparatu i siłavikoŭ z metaj pierakanać ich u adsutnaści padtrymki z boku nasielnictva, zaradzić sumnievy ŭ pravilnaści dziaržaŭnaha palityčnaha kursu», — ličyć Łukašenka.

***

Pra mahčymaść teraktaŭ zajaŭlałasia ŭ sakaviku 2021 hoda. Tady ŭłady zajavili, što ŭ śmiećcievym baku kala dziciačaj placoŭki ŭ Minsku było zakładziena vybuchovaje prystasavańnie, druhoje nibyta płanavali zakłaści ŭ vajskovaj častcy. Ale śpiecsłužby praduchilili złačynstva.

«Teror! Nu ŭjavicie: išli b ludzi, vybuch — kolki b ludziej zahinuła, kolki paciarpieła b», — kazaŭ u kancy sakavika Alaksandr Łukašenka. 

Kamientary

Ciapier čytajuć

Biascennyja kaštoŭnaści skradzienyja za 7 chvilin. Novyja padrabiaznaści abrabavańnia Łuŭra3

Biascennyja kaštoŭnaści skradzienyja za 7 chvilin. Novyja padrabiaznaści abrabavańnia Łuŭra

Usie naviny →
Usie naviny

Vyjšaŭ repartaž pra čatyroch biełarusaŭ, jakija vajujuć za Ukrainu ŭ minamiotnym raźliku na Charkaŭščynie5

Žurnalista Paŭła Dabravolskaha abvinavacili ŭ «zdradzie dziaržavie»6

U Łahojskim rajonie pradajuć bazu adpačynku za 3,2 miljona dalaraŭ1

Žuraviny — na mors, kitajski vinahrad — na desiert: što ŭziać na Kamaroŭcy ŭ hetyja vychadnyja1

Stvorany biełarusam startap paniziŭ akcyi Duolingo6

U Łatvii zaviali kryminalnuju spravu na mužčynu, jaki abražaŭ u ciahniku ŭ Šviejcaryi ŭkrainska-biełaruskuju siamju11

Jakija prysudy dajuć pa spravie Hajuna?13

«Kudy hladzić sanstancyja?» U stałoŭcy, dzie charčujucca ślapyja ludzi, pradajuć katlety z syrym miasam10

U ciahnik pieršaha kłasa ŭ Hiermanii chtości padkinuŭ troch kurej. Za infarmacyju abiacajuć 500 jeŭra5

bolš čytanych navin
bolš łajkanych navin

Biascennyja kaštoŭnaści skradzienyja za 7 chvilin. Novyja padrabiaznaści abrabavańnia Łuŭra3

Biascennyja kaštoŭnaści skradzienyja za 7 chvilin. Novyja padrabiaznaści abrabavańnia Łuŭra

Hałoŭnaje
Usie naviny →

Zaŭvaha:

 

 

 

 

Zakryć Paviedamić