Minzdaroŭja patłumačyła, jak budzie akazvacca płanavaja miedycynskaja dapamoha
Ministerstva achovy zdaroŭja padpisała zahad z «metaj niedapuščeńnia źnižeńnia abjomaŭ akazańnia płanavaj miedycynskaj dapamohi nasielnictvu». U viedamstvie prakamientavali hetaje rašeńnie.
U Ministerstvie achovy zdaroŭja adznačajuć, što za apošni tydzień praviedziena dadatkovaja praca pa detalizacyi abjomaŭ płanavaj miedycynskaj dapamohi.
«Častka balničnych arhanizacyj achovy zdaroŭja pieraprafiliravana ŭ infiekcyjnyja špitali, aptymizavana praca paliklinik. Ambułatorna-palikliničnaja dapamoha pieraaryjentavanaja na akazańnie dapamohi doma, arhanizavana vyjaznaja forma pracy ź infiekcyjnymi pacyjentami i ich kantaktami».
Tam taksama adznačyli, što ŭ paliklinikach «pryniatyja dadatkovyja miery pa niedapuščeńni źnižeńnia dastupnaści mieddapamohi, u pieršuju čarhu pažyłym asobam i invalidam»:
— arhanizavany telefonnyja linii dla kansultacyj pa pytańniach infiekcyi COVID-19 i zamovy receptaŭ na lekavyja preparaty;
— pažyłomu nasielnictvu i invalidam rekamiendavana, pry paharšeńni samaadčuvańnia, vyklikać doktara na dom;
— dla pažyłoha nasielnictva i invalidaŭ arhanizavany zabor bijałahičnych materyjałaŭ dla łabaratornych daśledavańniaŭ i praviadzieńnie elektrakardyjahrafii doma;
— pravodzicca vypiska receptaŭ pacyjentam z chraničnaj patałohijaj i invalidam z dastaŭkaj ich pa miescy pražyvańnia pacyjenta;
— u paliklinikach zabiaśpiečana mahčymaść praviadzieńnia ahulnych analizaŭ kryvi i mačy, vyznačeńnie ŭzroŭniu hlukozy kryvi, — praviadzieńnie fluarahrafičnaha i elektrakardyjahrafičnaha daśledavańniaŭ niepasredna ŭ dzień zvarotu, što vyklučaje paŭtorny zvarot.
Zahad taksama rehłamientuje akazańnie płanavaj stamatałahičnaj dapamohi, skryninhaŭ raku asnoŭnych łakalizacyj, praviadzieńnie dyspansiernych miedahladaŭ asob, jakija pieranieśli infiekcyju COVID-19, pacyjentaŭ z chvarobami sardečna-sasudzistaj sistemy z vysokaj ryzykaj uskładnieńniaŭ, pacyjentaŭ ź pieradapuchlinnymi zachvorvańniami z vysokaj ryzykaj raźvićcia ankałahičnych zachvorvańniaŭ.
Pravodziacca abaviazkovyja miedycynskija ahlady, jakija pracujuć u škodnych umovach pracy i rabotnikaŭ čyhunačnaha transpartu ahulnaha karystańnia, jakija niepasredna zabiaśpiečvajuć pieravozki.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary