Pamior architektar Valmien Aładaŭ — aŭtar «Kamaroŭki», «Centralnaha», «Akijana»
Viadomaha biełaruskaha architektara nie stała 2 listapada. Jon pražyŭ 91 hod, paviedamlajuć Minsk-naviny.
Jon naradziŭsia ŭ 1930 hodzie ŭ siamji biełaruskaha kampazitara, rektara kansiervatoryi Mikałaja Aładava i dyrektara Dziaržaŭnaj karcinnaj halerei BSSR Aleny Aładavaj.
Valmien Aładaŭ spačatku pracavaŭ u Instytucie «Biełdziaržprajekt». Paźniej stvaryŭ i ŭznačaliŭ biełaruski dziaržaŭny instytut prajektavańnia pradpryjemstvaŭ handlu i hramadskaha charčavańnia «Biełhipratorh».
Śpiecyjalisty hetaha instytuta na čale z Aładavym u saviecki čas ździejśnili revalucyju ŭ sistemie zavodskich stałovych, raspracavaŭšy i ŭkaraniŭšy aŭtamatyzavanyja linii razdačy straŭ, jakija dazvolili ŭ niekalki razoŭ paskoryć absłuhoŭvańnie.
Heta vyklučała čerhi, a sistema bieznajaŭnych raźlikaŭ spraščała apłatu. Piłotny prajekt aprabavali na Minskim aŭtamabilnym zavodzie. Potym pa takim pryncypie pracavali 3 tys. stałovych pa ŭsim SSSR.
Mienavita z padačy Aładava ŭ 1976-m u Minsku źjaviŭsia pieršy ŭ BSSR univiersam — «Frunzienski» — bujny mahazin, jaki pracavaŭ pa pryncypie samaabsłuhoŭvańnia.
V. Aładaŭ — aŭtar 100 budynkaŭ, zbudavańniaŭ i architekturnych ansamblaŭ. Samyja viadomyja jaho pracy — Kamaroŭski rynak, spartyŭny kompleks «Raŭbičy», taksama ŭniviersamy «Sierabranka», «Centralny», ansambl žyłych damoŭ na rahu pr.Niezaležnaści i vuł. Kazłova z kramaj «Akijan» u Minsku, šerahu inšych žyłych damoŭ. Prajektavaŭ majsterniu-muziej skulptara Zaira Azhura, kłub-stałovuju sanatoryja «Biełaruś» u Mischory, interjery, pomniki, małyja formy, ekspazicyi mižnarodnych i respublikanskich vystaŭ i inš.
-
«Dziesiacihadovaje dzicia AMAP pakładzie ŭ padłohu?» Treš-błohier Mellstroy adreahavaŭ na pryznańnie siabie ekstremistam
-
Biełarusa niekalki miesiacaŭ pierakidali ad doktara da doktara i nie chacieli špitalizavać, pakul naha nie pačała hnić
-
Cichanoŭskaja nazvała pryznačeńnie Koŭła «abnadziejvajučym krokam»
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary