Što budzie z mandarynami i churmoj i čamu ŭ «čornyja śpisy» nie patrapiła ryba? Adkazaŭ Hałoŭčanka
Premjer-ministr Raman Hałoŭčanka padčas sustrečy z deputatami raskazaŭ, adkul Biełaruś ciapier budzie vazić ekzatyčnyja frukty i čym zamianiać inšyja pradukty pad sankcyjami.
«My ŭličyli vuzkija momanty, jakija nie byli ŭličanyja ŭ svoj čas našymi rasijskimi partniorami, tam zrobleny šerah vyklučeńniaŭ. Pry farmavańni tavarnych hrup, jakija padpadajuć pad embarha, my zychodzili z tych pazicyj, jakija mohuć zakryć ajčynnyja vytvorcy, — kaža premjer. —
Ahulny impart pa hetych pazicyjach aceńvajecca ŭ 0,5 miljarda dalaraŭ za hod.
Pad embarha nie trapiła ryba i rybnaja pradukcyja — u adroźnieńnie ad Rasii, my nie majem dostupu da mora. Naturalna, tudy nie trapili takija adčuvalnyja pazicyi, jak dziciačaje charčavańnie, śpiecyjalnaje charčavańnie dla ludziej, jakija majuć peŭnyja zachvorvańni.
Pa astatnich pazicyjach, aproč asobnych fruktaŭ i harodniny, rynak zdolny zakryć našy vytvorcy».
Ale što budzie z ekzatyčnymi fruktami, jakija zvyčajna ŭ našy kramy pastaŭlalisia ŭ Jeŭrasajuza? Naprykład, churmoj, mandarynami? Hałoŭčanka ličyć, što nijakaj prablemy niama.
«Navat ciapier mandaryny pastaŭlajucca ź niekalkich krain — Ispanii, Italii, Maroka, PAR, Brazilii, Turcyi. Kab nie dapuścić na rynku deficytu hetych pazicyj, Ministerstvu antymanapolnaha rehulavańnia i handlu daručana pravieści žorstkuju pracu ź imparciorami, pra toje, kab jany chutka pieraaryjentavalisia na zamiaščeńnie tavarami, jakija pachodziać ź inšych krain.
Da nas daŭno źviartalisia partniory pa JEAES — taja ž Armienija, Kyrhyzstan. I partniory pa SND — Uźbiekistan, Azierbajdžan, jakija zacikaŭlenyja ŭ naroščvańni ekspartu harodniny, sadaviny i suchafruktaŭ.
Naprykład, trapili pad embarha arechi. Nu navošta nam kuplać fistaški, jakija Hiermanija zavozić z hetych ža krain, nakručvaje svoj prybytak, upakoŭvaje, a potym pradaje siudy?»
Na zavodach kontrsankcyi, na dumku premjera, nie adabjucca, bo syravina na pierapracoŭku budzie vazicca pa kvotach.
«Ja nie vyklučaju, što rašeńnie dla nas nietradycyjnaje, tamu niejkija mohuć uźnikać u momancie składanaści. Ale ja ŭpeŭnieny, hetaje rašeńnie pravilnaje. Deputatam i nasielnictvu niama čaho chvalavacca», — zaklučyŭ jon.
Čytajcie taksama:
«U Sierbii «ŭźniknie» vialiki syrny zavod». Jak biełaruskija kontrsankcyi aceńvajuć pradstaŭniki bujnoha rytejłu
Urad pryniaŭ pastanovu ab sankcyjach: u «čorny śpis» patrapiła miasa, małako, kandytarka i sadavina ź ES, ZŠA i Kanady. Što heta značyć?
Z kramaŭ źniknuć batončyki Mars i Sniskers? Tłumačym, što budzie z šakaładkami z-za sankcyj
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk1
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1616
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu16
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary