Stali viadomyja detali zatrymańnia siabroŭ Uschopava, jaki pamior u navahodniuju noč paśla taho, jak trapiŭ u RAUS
Pravaabaroncam 3 studzienia stała viadoma pra jak minimum čaćviarych zatrymanych u Rečycy blizkich siabroŭ Źmiciera Uschopava. «Naša Niva» daviedałasia pra abstaviny zatrymańnia maładych ludziej.
Siońnia ŭ Rečycy maje adbycca pachavańnie 28-hadovaha maładoha čałavieka, jaki pamior paśla taho, jak byŭ zatrymany milicyjaj u navahodniuju noč.
Na hety momant paćvierdžanaja infarmacyja pra zatrymańnie samych blizkich siabroŭ Źmiciera, jakija mielisia pryjści na pachavańnie. Heta Alaksiej i Hanna Davydkovy, Alaksandr Snapkoŭ dy Illa Brakarenka.
Ich čakali na pachavańni, u tym liku dla dapamohi. Ale ranicaj jany nie vyjšli na suviaź.
Jak daviedałasia «Naša Niva», zatrymali siabroŭ Uschopava učora ŭviečary, 3 studzienia. Maładyja ludzi stajali la padjezda, dzie žyŭ Źmicier Uschopaŭ. Alaksandra Snapkova i Illu Brakarenku tam i ŭziali. Alaksiej Davydkoŭ syšoŭ raniej sustrakać žonku Hannu, dzie mienavita ich zatrymali — nieviadoma. Paru čakajuć doma dvoje maleńkich dziaciej. Pavodle niepaćvierdžanaj infarmacyi, sprava moža być źviazanaja z narkatyčnym artykułam 328.
My taksama dazvanilisia baćkam Alaksandra Snapkova dy Illi Brakarenki.
«Imavierna [zatrymany], ja nie viedaju jašče. Mnie nichto nie zvaniŭ, ale źviazacca ź im ja nie mahu. Havaryła ź im apošni raz učora, siońnia — nie», — paviedamiła nam Śviatłana Mikałajeŭna, maci Illi.
Taćciana Ivanaŭna, maci Alaksandra, taksama nie havaryła z synam, ci zatrymany jon, jana dakładna nie viedaje.
Taksama adsutničaje suviaź jašče ź niekalkimi ludźmi z koła znosinaŭ Źmiciera Uschopava. Ale ich zatrymańnie pakul niama kamu paćvierdzić ci abvierhnuć. Infarmacyja pra ich los vyśviatlajecca.
Čytajcie taksama: Śledčy kamitet ahučyŭ detali ekśpiertyzy pa spravie Uschopava. Ale jany nie tłumačać pryčyny śmierci
«Nakolki možna skazać pa kolery — paškodžańni śviežyja». Što kažuć sudmiedekśpierty pra śmierć mužčyny z Rečycy
Źjaviłasia videa, jak Uschopaŭ sam zachodzić u RAUS. Praź dźvie hadziny jon budzie miortvy
U Rečycy ŭ navahodniuju noč pamior zatrymany milicyjantami mužčyna. Svajaki: Jaho da śmierci źbili ŭ RAUSie
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam16
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary