«Nielicieprijatno» vykazaŭsia pra Usiebiełaruski narodny schod». Piensijanieru pahražaje da piaci hadoŭ turmy
Mikałaju Vicikavu 68 hadoŭ, jon žyvie ŭ vioscy Cierucha Homielskaha rajona. Zatrymany jon byŭ 14 studzienia, a siońnia stała viadoma, što prakuratura sankcyjanavała jamu aryšt na dva miesiacy. A prachodzić jak padazravany piensijanier pa častcy 1 artykuła 130 Kryminalnaha kodeksa — za raspalvańnie varožaści.
U vioscy Mikałaja Hierasimaviča viedajuć jak dobraha i adekvatnaha čałavieka. Jon dapamahaŭ u roznych patrebach miascovaj carkvie.
Były deputat sielskaha savieta Vicikaŭ, pavodle paviedamleńniaŭ presy, jašče letaś zapisaŭ svaje razvažańni pra Usiebiełaruski narodny schod, a niadaŭna dasłaŭ ich u redakcyju rajonnaj haziety «Majak». Taksama jon chacieŭ arhanizavać u Cierusie dyjałohavuju placoŭku pa abmierkavańni Kanstytucyi.
6 studzienia ŭ Vicikava prajšoŭ pieratrus, šukali «ekstremizm» i simvoliku. U pastanovie na pieratrus było napisana, što Vicikaŭ «nielicieprijatno» vykazaŭsia pra Usiebiełaruski narodny schod». 14 studzienia pa piensijaniera pryjšła milicyja i jaho zabrali ŭ izalatar časovaha ŭtrymańnia. Ciapier jamu pahražaje da piaci hadoŭ.
Pra zatrymańnie piensijaniera vykazałasia rajonnaja hazieta «Majak», za zvarot u jakuju Vicikaŭ akurat i paciarpieŭ. Jahony list z prapanovami nakont prajekta Kanstytucyi vydańnie nazvała «padobnym da klaŭzy», a samoha Vicikava — «pravincyjnym intelihientam piensijnaha ŭzrostu», «sielskim pravakataram», jaki «raznosić svaje paskvili pa ŭsim rajonie».
Žychara Homielščyny zatrymali za toje, što prynios u redakcyju list nakont Kanstytucyi
-
U Nacyjanalnym mastackim muziei adkryłasia vystava, pryśviečanaja rasijskim pieramoham
-
«400 zorak u p***u». Machlary naduryli školnikaŭ, pradajučy im niapravilnyja adkazy da CT i CE
-
«Napišy «kalenduła» abo «bahun» — budzie toje ž samaje». Jaki smak u biełaruskaha vałoškavaha kvasu, u jakim zusim niama vałošak?
Biełaruski IT-miljarder Hurski: Maju pieršuju žonku zabiŭ hiembler5
Kamientary