Biełarusy zmohuć daterminova prahałasavać na refierendumie pa prajekcie Kanstytucyi, paviedamiŭ namieśnik zahadčyka adździeła pravavoj, analityčnaj i mietadyčnaj raboty aparata Centrvybarkama Biełarusi Ivan Tołkač na telekanale STB.
Pavodle jaho słoŭ, budzie arhanizavanaje jak daterminovaje hałasavańnie, tak i ŭ asnoŭny dzień volevyjaŭleńnia.
«Čas taki ž — z 10.00 da 14.00 i z 16.00 da 19.00 z aŭtorka pa subotu i ŭ niadzielu — asnoŭny dzień hałasavańnia. Tut ničoha nie mianiajecca», — skazaŭ Ivan Tołkač.
Takim čynam, dni daterminovaha hałasavańnia: z aŭtorka, 22 lutaha pa 26 lutaha ŭklučna.
Sam refierendum pavinien prajści 27 lutaha.
Daterminovaje hałasavańnie vyklikaje ŭ naziralnikaŭ vialikija pytańni.
Tak na prezidenckich vybarach 2020 hoda, pavodle CVK, daterminova prahałasavali 42 pracenty, u Minsku — 33,40%, u Homielskaj vobłaści — 55%. Pry tym, što ŭ asnoŭny dzień hałasavańnia, 9 žniŭnia, na ŭčastkach fiksavalisia vialikija čerhi. Naziralniki raniej vykazvai aściarohi, što mienavita daterminovaje hałasavańnie źjaŭlajecca adnym sa sposabaŭ manipulacyj.
Kamientary