Siabar pres-sakratara A1 Mikałaja Bredzieleva na voli. Ci vyzvalili jaho samoha?
Jak stała viadoma «Našaj Nivie», vyjšaŭ na volu advakat Alaksiej, jakoha 10 śniežnia zatrymlivali ŭ adnym pamiaškańni z pres-sakratarom A1 Mikałajem Bredzielevym. Praź niekalki dzion paśla zatrymańnia rodnyja Mikałaja raskazali «Našaj Nivie» pra toje, što jamu dali 15 sutak administracyjnaha aryštu. Dalej pra jaho źjaŭlałasia supiarečlivaja infarmacyja.
Pravaabarončy centr «Viasna» 30 śniežnia pryznaŭ Mikałaja Bredzieleva palitviaźniem i ŭ svajoj zajavie adznačaŭ, što pres-sakratar A1 znachodziŭsia ŭ izalatary. Choć na toj momant 15 sutak jahonaha aryštu pavinny byli skončycca (infarmacyi pra novyja prysudy i sutki nie było).
19 studzienia, kali źjaviłasia infarmacyja pra mahčymyja vobšuki ŭ ofisie A1, partał dev.by paviedamlaŭ, što Mikałaj Bredzieleŭ znachodzicca ŭ SIZA-1 u Minsku. Ale ŭ jakim statusie i pa jakim artykule, taksama nie było viadoma.
Adrazu paśla zatrymańnia śmiećcievyja telehram-kanały kinulisia abmiarkoŭvać intymnaje žyćcio Mikałaja, a z vusnaŭ čynoŭnikaŭ palilisia ahulnyja abvinavačvańni kampanii A1 u nibyta źlivach niejkich danych.
Jak stała viadoma «Našaj Nivie», na voli ŭžo znachodzicca advakat Alaksiej, hetuju infarmacyju nam paćvierdzili jaho svajaki. Pa našaj infarmacyi, mienavita advakat i byŭ metaj siłavikoŭ u toj dzień. Mikałaja Bredzieleva zatrymali «za kampaniju».
Pry hetym łahičnuju vysnovu, što na voli i Bredzieleŭ, paćvierdzić nie ŭdajecca — svajaki pres-sakratara A1 admaŭlajucca choć niejak adkazvać na hetaje pytańnie, nie paćviardžajučy i nie abviarhajučy infarmacyju, što jaho vyzvalili.
Čytajcie taksama: Nichto nie źjaŭlajecca niedatykalnym. Jaki sihnał biznesu šle Łukašenka zatrymańniami top-mieniedžaraŭ?
Telehram-kanały: U ofisie kampanii A1 adbyvajecca pieratrus. U kantakt-centry admaŭlajuć
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary