Spravu suprać Jahora Marcinoviča i Andreja Skurko nakiravali ŭ sud
Im imkryminujuć naniasieńnie majomasnaj škody biez prykmiet kradziažu, učynienaje hrupaj asob pa papiaredniaj zmovie, u bujnym pamiery.
Zhodna z materyjałami spravy, Skurko i Marcinovič, źjaŭlajučysia słužbovymi asobami vydavieckaha pradpryjemstva, z maja 2017 hoda pa červień 2021 hoda ŭ kvatery, jakaja naležyć Skurko, ažyćciaŭlali pradprymalnickuju dziejnaść.
«Pry hetym abvinavačanyja nie zaklučyli damovy, jakija praduhledžvajuć raźliki za žyllova-kamunalnyja pasłuhi pa taryfach dla jurydyčnych asob», — paviedamlaje prakuratura.
Škodu, naniesienuju RUP «Minskenierha» i KUP «Minskvodakanał» u pamiery zvyš 10 tysiač rubloŭ, Skurko i Marcinovič kampiensavali ŭ poŭnym abjomie.
Ich buduć sudzić pa č. 2 art. 216 KK RB «Pryčynieńnie majomasnaj škody biez prykmiet kradziažu», što praduhledžvaje abmiežavańnie voli da 5 hadoŭ ci źniavoleńnie na toj ža termin.
Hałoŭnaha redaktara «Našaj Nivy» Jahora Marcinoviča i kiraŭnika adździeła rekłamy, aŭtara «Našaj historyi» i dziciačych časopisaŭ «Aściarožna: dzieci» i «Dudu» Andreja Skurko zatrymali 8 lipienia, tady ž adbyŭsia pahrom u ofisie, sajt byŭ zabłakavany. Z taho času Skurko i Marcinovič znachodziacca za kratami.
23 listapada, u dzień 115-hodździa vydańnia, materyjały telehram-kanała i sacsietak «Našaj nivy» pryznali ekstremisckimi, a ŭčora, 27 studzienia, stała viadoma, što KDB pryznała «Našu Nivu» ekstremisckim farmavańniem.
Pravaabaroncy pryznali Skurko i Marcinoviča palitźniavolenymi i ličać abvinavačvańni palityčna matyvavanymi. Ich vyzvaleńnia zapatrabavała Biełaruskaja asacyjacyja žurnalistaŭ i mižnarodnyja žurnalisckija sajuzy.
Kryminalnyja spravy na roznych padstavach zaviedzienyja suprać kiraŭnikoŭ i žurnalistaŭ i inšych niezaležnych ŚMI, u tym liku Tut.by, BiełaPAN, «Biełsat», «Radyjo Svaboda», «Ježiednievnik».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary