U Litvie kapusta pradajecca ad 1 da 2 rubloŭ za 1 kh. A kolki kaštuje ŭ kramach pobač z vami?
Niečakana ceny na zvyčajnuju kapustu apynulisia ŭ centry ŭvahi. Heta stała markieram situacyi na spažyvieckim rynku: padaražeła toje, što tradycyjna vyroščvajecca na biełaruskaj ziamli. Mienavita hałoŭka kapusty staŭ pobytavym simvałam inflacyi. My paraŭnali, kolki ž kaštuje 1 kh aktualnaj harodniny ŭ najbujniejšych handlovych sietkach Litvy: trochu mieniej za dva biełaruskija rubli, adnak možna znajści pa źnižcy značna tańniej.
Na pačatku lutaha ŭ troch bujnych sietkach Litvy — Maxima, Lidl, IKI — kapusta kaštavała ad 0,67 da 0,69 jeŭra za kiłahram. Kali pieravodzić na biełaruskija rubli (pa kursie Nacbanka), to atrymlivajecca kala dvuch rubloŭ za 1 kh (dakładniej, ad 1,96 da 2,02 rub.).
U apošnija časy z-za cenavaj kańjunktury litoŭcy stali čaściej jeździć za praduktami ŭ susiedniuju Polšču. Rytejlery vymušanyja byli reahavać, abviaščajučy źnižki, jakija raspaŭsiudžvajucca taksama na harodninu, u pryvatnaści, na kapustu.
U kramach Rimi 1 kh kaštuje 0,49 jeŭra za 1kh. Heta 1,44 biełaruskaha rubla.
A litoŭskaja handlovaja sietka Norfa abvieściła źnižku na kapustu: 1 kh tam kaštuje 0,35 jeŭra. To-bok 1 rubiel i 2 kapiejki, kali pieravodzić na biełaruskija hrošy.
Nahadajem, što z 26 studzienia biełaruskija ŭłady ŭviali maksimalnyja aptovyja i roźničnyja ceny na kapustu. Tak, maksimalny ceńnik na śviežuju biełakačannuju kapustu ŭ studzieni nie moh pieravyšać 1,67 rubla, u lutym — 1,68 rubla, u sakaviku — 1,71 rubla, u krasaviku — 1,73 rubla, a ŭ traŭni — 1,75 rubla.
Ale ŭ mnohich handlovych sietkach ceny na hety tavar prykmietna pieravyšali ŭviedzienuju «stol». Handlu dazvolili raspradać zapasy ŭžo zakuplenaha tavaru pa starych cenach, a novyja pastaŭki realizoŭvać pa «zrezanym» košcie.
Adnak u vyniku ŭ kramach uźnik deficyt na biełaruskuju kapustu, zatoje źjavilisia ŭźbiekskija, iranskija, polskija, rasijskija hałoŭki pa 3—4 rubli za 1 kh.
A kolki kapusta kaštuje ŭ mahazinach pobač z vami? Kali łaska, dasyłajcie fota ŭ Telegram-bot «Našaj Nivy», niezaležna ad taho, dzie vy znachodziciesia — u Hrodna, Tbilisi, Kijevie ci Biełastoku.
Za hod cana kapusty vyrasła na 120%. Čamu ŭ Biełarusi tak mocna padaražeła harodnina
Urad abmiežavaŭ vyvaz ź Biełarusi cybuli, biełakačannaj kapusty i jabłyk. A raniej Hałoŭčanka kazaŭ, što ŭsiaho chapaje
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary