Jak paviedamlaje «RIA Novosti», tolki što dziaržsakratar ZŠA Entani Blinkien i ministr zamiežnych spraŭ Rasii Siarhiej Łaŭroŭ pahavaryli pa telefonie. Rasijski bok padkreślivaje, što zvanok adbyŭsia pa inicyjatyvie amierykanskaha boku.
Łaŭroŭ ziaviŭ Blinkienu, što prapahandysckaja kampanija ZŠA ab «rasijskaj ahresii» suprać Ukrainy maje pravakacyjnyja mety, a reakcyja ZŠA i NATA na prapanovy RF pa harantyjach biaśpieki ihnaruje klučavyja dla Maskvy pałažeńni.
Taksama Łaŭroŭ nahadaŭ ab niedapuščalnaści dziejańniaŭ, jakija parušajuć abaviazalnictvy ab niepadzielnaści biaśpieki ŭ Jeŭra-Atłantycy.
Pytańni niepašyreńnia NATA i nieraźmiaščeńnia ŭdarnych sistem la miežaŭ RF buduć centralnymi ŭ acency atrymanych ad Zachadu dakumientaŭ pa harantyjach biaśpieki, adznačyŭ Łaŭroŭ.
Miž tym, Dziarždep pryvodzić padrabiaznaści razmovy Blinkiena i Łaŭrova.
Dziaržsakratar zajaviŭ rasijskamu ministru, što dypłamatyčny šlach pa Ukrainie zastajecca adkrytym, ale zapatrabavaŭ deeskałacyi z boku Maskvy.
Taksama Blinkien zajaviŭ, što ZŠA aścierahajucca «rasijskaha napadu» va Ukrainu ŭ najbližejšyja dni.
Nahadajem, siońnia viečaram anansavałasia telefonnaja razmova pamiž prezidentam ZŠA Džo Bajdenam i prezidentam Rasii Uładzimiram Pucinym.
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary