Siońnia ranicaj pajšoŭ z žyćcia vydaviec lehiendarnych haziet «Svaboda» i «Naviny» Pavieł Žuk, paviedamlaje Biełaruskaja asacyjacyja žurnalistaŭ.
Žuk uvajšoŭ u historyju jak čałaviek, jaki ŭziaŭ udzieł u adnaŭleńni niezaležnych ŚMI paśla dziesiacihodździaŭ savieckaha tatalitaryzmu. Žyćcialub, paśpiachovy pradprymalnik, jon daŭ impuls hazietnaj spravie. Braŭ na siabie vializnyja ryzyki, ale haziety vychodzili.
Pavieł Žuk naradziŭsia ŭ 1956 hodzie ŭ Baranavičach. Skončyŭ fizičny fakultet BDU, pracavaŭ u Akademii navuk. U 1989 hodzie jon, udzielnik niezaležnickaha padpolla, uvajšoŭ u vydavieckuju hrupu časopisa «Litaratura», jaki zasnavali Siarhiej Dubaviec i Aleś Bialacki. Potym braŭ udzieł u vydańni «Navin BNF».
U sakaviku 1990 hoda razam z Dubaŭcom i Alesiem Hurkovym vydaŭ «Dzień Voli — 90», prymierkavany da 72-ch uhodkaŭ stvareńnia BNR. «Dzień Voli» staŭ prałoham haziety «Svaboda», pieršy numar jakoj pabačyŭ śviet u krasaviku 1990 hoda.
Hazietu «Svaboda» vydavaŭ da listapada 1997 hoda, pakul jana nie była začynienaja paśla nieadnarazovych papiaredžańniaŭ za publikacyju krytyčnych da palityki Łukašenki artykułaŭ.
U studzieni 1998 hoda hazieta adradziłasia pad nazvaj «Naviny», vydaŭcom znoŭ staŭ Žuk.
U 1990-ja Žuk braŭ aktyŭny ŭdzieł i ŭ palityčnaj baraćbie za demakratyju i niezaležnaść. U 2000-ja jon adyšoŭ ad palityki, vyjšaŭ ź miedyjnaha i pierajšoŭ u niemiedyjny biznes.
Da 2002 hoda Pavieł Žuk byŭ taksama i vydaŭcom haziety «Naša Niva».
Ciapier čytajuć
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie6565
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie65
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary