Premjer Hałoŭčanka: Biełaruś rychtujecca da samaj maštabnaj zakupki ŭzbrajeńnia za ŭsiu historyju dziaržavy
Pra padrychtoŭku da masavaj i «finansava jomistaj» zakupki zbroi paviedamili va ŭradzie. Takija vydatki patłumačyli situacyjaj navokał.
Premjer Raman Hałoŭčanka zajaviŭ, što Biełaruś nieŭzabavie kupić vialikuju kolkaść uzbrajeńnia i vajskovaj techniki — heta budzie «samaje maštabnaje i finansava jomistaje» rašeńnie za ŭsiu historyju dziaržavy», — cytuje BiełTA čynoŭnika.
Pavodle Hałoŭčanki, ciaham bližejšych niekalkich hadoŭ dla vojska i inšych siłavych strukturaŭ pastupić značnaja kolkaść uzoraŭ uzbrajeńnia i vajskovaj techniki.
«Takoj maštabnaj prahramy nikoli ŭ nas nie było, ale sam čas abaviazvaje nas heta rabić, u dadatak da taho, što vyrablaje i pastaŭlaje naš ajčynny abaronny siektar» — skazaŭ jon.
Napiaredadni i Łukašenka anansavaŭ zakupku ŭzbrajeńniaŭ.
«Na praciahu bližejšych niekalkich hadoŭ płanujem zakupić i pastavić u vojski šyroki pieralik samych sučasnych uzbrajeńniaŭ, siarod jakich samaloty Su-30SM (ich pastaŭka zaviaršajecca ŭžo ŭ kancy hetaha hoda), dziasiatki viertalotaŭ, zienitnyja rakietnyja kompleksy, «Tor-M2», ‒ zajaviŭ jon.
Łukašenka taksama raskazaŭ, što ciapier prapracoŭvajecca pytańnie ab asnaščeńni biełaruskich Uzbrojenych Sił zienitnymi rakietnymi kompleksami S-400 «Tryumf».
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie1
Kamientary