«Pryvieźli — chto biez vačej, chto biez vušej». U špitalach Homielskaj vobłaści šmat paranienych rasijskich vajskoŭcaŭ
Asnoŭnaja častka paranienych rasijskich vajskoŭcaŭ pastupaje ŭ Mazyrski špital Homielskaj vobłaści, piša «Svaboda».
«Pryvieźli rasijskich vajskoŭcaŭ — 2003 hoda naradžeńnia, vosieński pryzyŭ. Chto biez vačej, chto biez vušej, chto z vyviernutymi kiškami», — paviedamlajuć z Mazyra.
«Jašče niekalki dzion tamu naš špital častkova addali pad paranienych. Adrazu addali pa dvaccać miescaŭ u adździaleńni, ciapier, vidavočna, bolš.
Viazuć nie tolki paranienych, ale i trupy. Trupy pryvoziać na «KamAZach», paranienych — na nievialikich «PAZach». Skuplajuć rytualnyja rečy — truny, vianki», — paviedamiŭ žychar Mazyra.
Jość infarmacyja, što špitali ŭ Mazyry i Naroŭli «ŭzmocniać» medykami ź inšych rehijonaŭ vobłaści.
U Homieli paranienych prymajuć prynamsi ŭ troch špitalach — abłasnym, Centry radyjacyjnaj miedycyny i ŭ Kaściukoŭcy.
«Tyja «KamAZy», jakija časta haniajuć pa Homli, z kryžami — heta pieravozka nie ranienych, a trupaŭ. Ich viazuć u tym liku ŭ morh 3-ha špitala ŭ Homieli», — kaža miascovy žychar.
Vajna va Ukrainie. Dzień piaty ANŁAJN
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Kamientary