Rasija ŭžyła va Ukrainie hipierhukavuju zbroju. Što jana saboj ujaŭlaje?
Ministerstva abarony Rasii paviedamiła, što ŭžyło hipierhukavyja rakiety «Kinžał» dla źniščeńnia vajskovych składaŭ pad Ivana-Frankoŭskam. Što heta za rakiety?
Hipierhukavymi nazyvajuć rakiety, jakija zdolnyja lacieć z chutkaściu, što pieravyšaje chutkaść huku ad 5 da 25 razoŭ (ad 1,6 da 8 km/s). Na takoj chutkaści vakoł rakiety ŭtvarajecca płazma — heta, z adnaho boku, robić vielmi składanym kiravańnie rakietaj, a ź inšaha, abaraniaje takuju rakietu ad srodkaŭ radyjoelektronnaj baraćby. Padčas palotu takija rakiety mohuć niepradkazalna mianiać trajektoryju.
Kambinacyja hetych faktaraŭ robić źniščeńnie padobnaha typu rakiet srodkami supraćpavietranaj abarony vielmi składanaj zadačaj.
U 2018 h. Pucin publična zajaviŭ ab stvareńni hipierhukavoha rakietnaha kompleksu «Kinžał». Źniščeńnie vajskovych składaŭ stała pieršym, prynamsi aficyjna ahučanym, užyvańniem hetaj zbroi. Sama rakieta źjaŭlajecca avijacyjnym varyjantam rakiet kompleksu «Iskander». Dla zapusku hetych rakiet vykarystoŭvajecca śpiecyjalna dla hetaj mety madernizavany źniščalnik MiH-31, ź jakoha na vyšyni 12—15 km i ažyćciaŭlajecca pusk. Palot adbyvajecca ŭ strataśfiery, dzie našmat mienšaje supraciŭleńnie pavietra. Rakieta dasiahaje hipierhukavoj chutkaści na vyšyni kala 20 km i moža pralacieć bolej za 2000 km. Bajavaja častka rakiety moža źmiaščać da 500 kh vybuchovych rečyvaŭ albo nieści jadzierny zarad. Rakiety «Iskander» mohuć mieć jadziernuju bajavuju častku mahutnaściu da 50 kiłaton (dla paraŭnańnia, mahutnaść bomby, skinutaj na Chirasimu, aceńvałasia ŭ 18 kiłaton), imavierna, toje ž tyčycca rakiet «Kinžał».
Vykarystańnie hetaha typu rakiet u vajnie z Ukrainaj vyhladaje nieracyjanalnym, jaho varta razhladać chutčej jak demanstracyju siły pierad zachodnimi krainami.
CNN: U ZŠA paćvierdzili, što Rasija zapuściła hipierhukavyja rakiety pa Ukrainie
Kitaj zapuściŭ hipierhukavuju rakietu
Zachad masava pieradaje Ukrainie supraćtankavyja rakiety. Jany spyniać rasijskaje ŭvarvańnie?
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia12
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher22
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher2
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary