Klintan zajaviŭ, što prapanoŭvaŭ Jelcynu i Pucinu členstva ŭ NATA
Złučanyja Štaty prapanoŭvali Barysu Jelcynu i Uładzimiru Pucinu mahčymaść ustupleńnia Rasii ŭ NATA. Pra heta były prezident ZŠA Bił Klintan raspavioŭ u kałoncy dla The Atlantic, piša RBK.
Pavodle jaho słoŭ, u 1990-ja hady suviazi pamiž Paŭnočnaatłantyčnym aljansam i Maskvoj raźvivalisia. Jon nahadaŭ, što ŭ tyja časy Rasija pryniała ŭdzieł u prahramie «Partniorstva dziela miru», adbyłosia zaklučeńnie asnovatvornaha akta Rasija — NATA ab uzajemnych adnosinach, supracoŭnictvie i biaśpiecy, a ZŠA akazali finansavuju dapamohu Rasii dla vyvadu jaje vajskoŭcaŭ z Prybałtyki. Akramia taho, Rasija i NATA sumiesna ŭdzielničali ŭ roznaha rodu miratvorčych apieracyjach.
«Uvieś hety čas my trymali dźviery NATA adčynienymi dla ŭstupleńnia Rasii, pra što ja jasna zajaŭlaŭ Jelcynu, a zatym i jaho pierajemniku Uładzimiru Pucinu», — zajaviŭ amierykanski eks-prezident.
Klintan padkreśliŭ, što roznaha rodu zajavy ab tym, što ZŠA jakim-niebudź čynam imknulisia izalavać Rasiju, zahnać jaje ŭ peŭnyja ramki, albo ž prajaŭlać niepavahu abo zusim ihnaravać źjaŭlajucca niapraŭdaj. Pry hetym jon pahadziŭsia z tym, što aljans sapraŭdy imknuŭsia pašyracca va ŭschodnim kirunku, niahledziačy na piarečańni Rasii, nazvaŭšy dziejańni NATA ŭ toj pieryjad času «pravilnymi i paśladoŭnymi pastanovami».
«Ahułam ja sustrakaŭsia ź Jelcynym 18 razoŭ i z Pucinym piać razoŭ — dvojčy, kali jon byŭ premjer-ministram pry Jelcynie, i trojčy za tyja 10 ź lišnim miesiacaŭ, što našy prezidenckija terminy supadali. Heta ŭsiaho na try mienš, čym usie sustrečy lidaraŭ ZŠA i SSSR z 1943 pa 1991 hod.
Ujaŭleńnie pra toje, što my ihnaravali, nie pavažali abo sprabavali izalavać Rasiju, iłžyvaje», — skazaŭ na zakančeńnie palityk.
-
Hrodzienski fatohraf pradavaŭ fotasiesii, ale nie rabiŭ ich, a prajhravaŭ usie hrošy ŭ anłajn-kazino. Jon raskazaŭ, jak usio adbyvałasia
-
Łukašenka: Da kanca hetaha hoda my pavinny mieć svaje bojeprypasy da artyleryjskich sistem
-
Urad Cichanoŭskaj pryniaŭ pastanovu «Ab biełaruskim partyzanska-supraciŭnym ruchu»
Kamientary