Biełarusy na pamiatnaj cyrymonii ŭ Buchienvaldzie byli pad nacyjanalnym ściaham
Siońnia, 10 krasavika, adbyŭsia šerah mierapryjemstvaŭ, pryśviečanych ušanavańniu pamiaci viaźniaŭ kancłahieraŭ Buchienvald i Dora-Mitelbaŭ ŭ Hiermanii. Aficyjnyja delehacyi Rasii i Biełarusi arhanizatary paprasili nie pryjazdžać na mierapryjemstva, ale demakratyčnyja siły byli pradstaŭlenyja.
Zamiest pradstaŭnikoŭ aficyjnaha Minska ŭ jakaści pradstaŭnika Biełarusi byŭ zaprošany kiraŭnik Nacyjanalnaha antykryzisnaha ŭpraŭleńnia Pavieł Łatuška.
«My spynim našu baraćbu tolki tady, kali apošni ź vinavatych paŭstanie pierad sudom narodaŭ», — fraza z klatvy, začytanaj Paŭłam Łatuškam na biełaruskaj movie u pamiać pra zahinułych viaźniaŭ kancłahiera.
Razam z pradstaŭnikom demakratyčnych siłaŭ Biełarusi klatvu začytali taksama pradstaŭniki Ukrainy i hramadzianskaj supolnaści Rasii.
Akramia taho, Pavieł Łatuška ŭskłaŭ vianok ź bieł-čyrvona-biełaj stužkaj da manumienta. Vianok mienavita z takoj biełaruskaj simvolikaj byŭ, jak paviedamlajecca, inicyjatyŭna zamoŭleny arhanizatarami mierapryjemstva.
Taksama čyrvona-zialony dziaržaŭny ściah byŭ zamienieny na bieł-čyrvona-bieły nacyjanalny.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary