Na Paleśsi zabaranili naviedvać lasy tam, dzie byli łahiery rasijskich vajskoŭcaŭ
Ministerstva lasnoj haspadarki zabaraniła naviedvańnie lasoŭ na poŭdni Homielskaj vobłaści. Pad zabaronu trapili lasy Brahinskaha, Naraŭlanskaha, Mazyrskaha i Chojnickaha rajonaŭ. Mienavita tam, jak paviedamlałasia, byli lahiery rasiejskich vajskoŭcaŭ, piša Radyjo Svaboda.
«Naściarožvaje, što ciapier pa Naroŭli chodziać vajskoŭcy. Niezrazumieła, biełarusy jany ci rasijanie, bo mienavita hetyja nie majuć nijakich znakaŭ adroźnieńnia. Jeździać hruzavyja aŭtamabili biez numaroŭ, ale sa znakam V na ich», — raskazaŭ Svabodzie miascovy žychar.
Jon dadaŭ, što ciapier u lasach Naraŭlanskaha rajona situacyja «žachlivaja prosta».
«Tam było šmat časovych placovak dla raźmiaščeńnia rasijskich vajskoŭcaŭ. Ciapier robicca zrazumiełym, što jany mienavita adtul rakiety i zapuskali. Vidać, dzie stajali rakietnyja ŭstanoŭki, bo pa śladach stajaŭ aŭtamabil, tam i ziamla vypalenaja. I jany, rasijanie, pakidali ŭsio paśla siabie. Kaciałki, kaski, pralnyja paraški — miachami. Nie zrazumieła, čamu, ale jany zakopvali tušonku, a časam zakidali halinkami.
Pakidali i skrynki ad zbroi, bojeprypasaŭ. Znachodzili ludzi i patrony, i snarady dla sistemy «Hrad». Zaminavana šmat čaho było. Biełaruskija sapiory abiasškodžvajuć ciapier tyja miaściny, jakija rasijanie zaminavali. Ciapier ichnija miny ŭzryvajuć na miescy. Pastavili tam užo našy pasty i zrabili štučnyja pieraškody dla transpartu. Mašyny ŭsie spres praviarajuć», — raskazaŭ žychar rajcentra.
Raniej stała viadoma, što ŭ Naraŭlanskim rajonie na minie padarvalisia supracoŭniki KDB.
Raniej maci adnaho ź biełaruskich kantraktnikaŭ paviedamlała, što častku Słonimskaj miechanizavanaj bryhady pieraviali pad Brahin. Tam jany raźbili łahier, pastavili palavuju kuchniu.
Niekalki krynic Svabody paviedamili, što šmat biełaruskich vajskoŭcaŭ ciapier znachodziacca ŭ Naroŭli, pad Brahinam i ŭ Chojnikach.
Čytajcie taksama:
Dva aficery KDB padarvalisia na rasijskaj minie ŭ Homielskaj vobłaści
«U kłubie «vyzvalicieli» pačali pahražać bajavoj hranataj». Jak prychod rasijskich vajskoŭcaŭ adbiŭsia na Mazyry
«Spačatku byli viasiołyja, a ciapier upali ducham». Biełarusy pra toje, jak siabie pavodziać i pra što havorać rasijskija vajskoŭcy ŭ haradach
Ciapier čytajuć
Kamientary